Guete Morge

Elea
Du ja, sie nöd schlecht usecho... Het aber trotzdem no bizli besser chöne sii :P Jänu, jedesmal weni mini ID ahluege ide nächste Jahr chani mi dra errinere das das s erste mal gsi isch woni so unterschriebe han, drum ischs mer gliich das sie nöd perfekt isch

Zibesa
Also falls mer sich nüme lisst wünsch ich dir am Samstig en wunderschöne Tag! Freue mich uf din Bricht!

Hüt isch min offizielle Tag als ledigi Frau wenn ich mir vorstelle dasi morn scho nüme Frau xxx heisse.. hihi freu mi Gester hemer no de Termin mitem Fotograf ga! Er isch super, schafft au im Bereich Event und het mer no soo viel Tips chöne ge! Er derf ide Chile ja nur im Sitze fötele, aber das passt em gar nöd! Er telefoniert mal mitem Pfarrer und susch heter gseit staht er den für die wchtige moment eifacht uf!

zibesa, ganz e guete endspurt!!!! das wird sicher toll!!!

irgendwie hani nümm im griff wer als nögschts hürotet , aber ich wünsch uf jede fall allne wo de das wucheänd draa sind en unvergässliche, wunderschöne tag!!!!!

bi scho mega gspannt uf all euri bricht und fotis ich finds so toll dass noch dem lange vorbereite jetzt ei hochziit noch de andere isch! irgendwie channis gar ned glaube, dass jetzt scho einigi verhürotet sind! min gg muess ändli mit dene termine userücke, wär a dem träffe im novämber mega gärn debii!!! das chas jo ned sii, dass denn eifach "alles" verbii isch !

mir sind geschter ufem zivilstandsamt gsii wägem ehevorbereitigsverfahre. läck, das isch jo e sehr unromantischi sach mi gg isch ganz nervös gsii, richtig härzig! am vorobe hed er no welle d ring no einisch probiere ob sie au no göhnd, als ob das nötig gsii wär er hed de immer gseid mer gienged jetzt goh hürote und hed de ganz tag welle fiire , das isch ächt härzig gsii für mich ischs am speziellschte gsii, woni ha müesse usfülle wieni noch de hürot wirde heisse. Scho komisch! jetzt muessi de au mol langsam s name-schriibe üebe hihi, wo zivilstandsbeamtin gfrogt hed ob mer eus scho gedanke gmacht hend wie mer noch de hochziit wetted heisse seid mi gg: jo, hugetobler (zur erklärig: mir heissed also beid ned so...)

am obe hend mer no euse fotograf troffe für es probeshooting zum chli enand könne lehre und idee sammle/vorbereite für d hochziit sälber. er isch ächt en tolle typ, und obwohl mir beid eigentlich gar ned fan sind fotografiert z wärde isches unglaublich luschtig und entspannt gsii! ich ha sogar en lachchrampf gha (mi gg isch chli en clown...) und ha träne glachet. ha mer das so schlimm und stiff vorgstellt gha, und denn ischs eifach luschtig gsii (ich ha glaub fascht z viel glachet, has ned mol fertig brocht ärnscht z luege!). mir hoffed jetzt, er hed es paar schöni bildli chönne mache, das bezwiifli chli be eus zwei allerdings echli

uf jede fall bini jetzt irgendwie wieder voll im hochziitsfieber und würd am liebschte deheime mini to-do-lischte abschaffe und ned do im büro hocke und die bärge arbeit aaluege... immerhin channi do churz mini freud deponiere, ich wüsst glaub gar ned wohii mit mine ganze gedanke wenni das forum ned hätti DANKE!

so ich mach mi mol ufd socke, de hani viellicht spöter wieder ziit nomol is forum z luege

wünsch euch allne e wunderschöne tag!!!

jösses, sorry zäme, mir isch gar ned bewusst gsii dass ich so en lange ego-post verfasst ha

sonne sicher :) zeig sie euch denn wenn sie fertig isch hehe...