@Canoa: Haha, so witzig mit em Gangnam-Style! Findi super!

@Orangi Kravatte: wägnä wetti si ihm nöd, wett nid so die Bruut si, wo ihrem GG scho alles vorschriibt und d Bridezilla usehängt. Zerscht bini au würkli gschockt gsi, aber mittlerwile chani mi demit afründe. Han es paar schöni blassorangi Strüss mit Rosene im Internet gseh; am Samstig gahni ja zur Floristin, mal luege, was die meint. Und Zehenägel mueni mal usprobiere. Chönnt au no cool für Fotis cho, wenn die orange sind

da fallt mer ih, ich sött min GG mal fröge, wie ers eigentlich gseht mit outfit. er hät immer gseit er leggi eifach sin normale azug ah. für mich isch das ok, er gseht super us i dem, aber ich wott glich mal no fröge öb er sich das guet überleit hät, haha

ja ich gang hüt au am vieri. müend zwar erst am sechsi ufem ZSA si aber ich wott nöd stresse und s wetter isch doch so schön :-)

ui canoa, cool wägem chleid! isch chli schwierig gsii gäu, oder hani das fausch in erinnerig? wo hed sies denn här? mini tz bruucht drumm au no eis... ha gseh dass de wicky usverchauf hed wägem umbau, evt chönnt me det jo goh luege... am liebschte wetti grad los goh chleider luege/sueche för sie, aber es wott jo keine för mech cho schaffe

ou cool, das esch natürli super wenn eim öpper s passende chleid genau noch vorstellig uf de liib schniideret, und das no zumene super priis!

mou luege was mini tz de meint, vellecht göhnd mer jo de schnöu goh luege. ech hoffe mer finded öppis... esch glaub scho ned so eifach, aber sie esch immerhin ned so kompliziert. esch haut eifach chli schwerig, sie esch rächt chlii und findet sie hed es par baby-kilo z vöu

das stelli mer loschtig vor - modeshow im wohnzimmer! ech sett ou no met mim mami und mit mim schwiegermami in spe öppis förs hochziit goh choufe. ech ha scho welle abmache wöu ech dänkt ha ziit goht so schnöu verbii. aber ech gloube, ech be die einzig wo das merkt die hend beid s gfühl es pressiert jo noni so, goht jo no lang. debii!!! plötzli längts de haut nömm, de müends de haut säuber luege!

heheheh modeshow im Wohnzimmer hehehhe...


hend eui eltere suscht all d kleider und so?? mis mami brucht no es kleid hihi
sie isch au bez wählerisch hehe..

letsch Woche beni med mim mami und mim schwiegermami uf kleidersueche für sie zwei
isch no lustig gsi