| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Bräute 2013
 1 .. 1218 .. 2433 2434 2435 2436 2437 .. 3097 .. 3757
11.07.13 16:21
MsJenaya 

Re: Bräute 2013

OH MEIN GOTT...morn dueni hürate!!!
11.07.13 16:23
dandi78 

Re: Bräute 2013

ou nei emma, das würd mi au närve! eg ha mini hoor au äxtra lo wachse uns säge minere coiffeuse immer wieder, dass si jo nid zviel dörf schniide!

11.07.13 16:25
dandi78 

Re: Bräute 2013

jöö msjenaya, so süess. esch doch super! aber cha scho verstoh wenn chli hibbelig bisch

11.07.13 16:39
MsJenaya 

Re: Bräute 2013

i bi mega hibbelig. i ha scho letst nacht schlächt gschlafe und bi am 4i am morge, nach nume 4h schlaf häll wach gsi. und woni am füfi geng no ned ha chönne ischlafe, bini när ufgstande. wie wird das nume hüt nacht? de chani äuä de gar ned schlafe....

11.07.13 16:43
Emma13 

Re: Bräute 2013

@MsJenaya ohh ich verstahn dich :) bin au scho mega nervös gsi paar Täg vorem zivile, nur komischerwiis hani d Nacht vorher suuuper gschlafe, bin zwar am Morge recht früeh wach gsi und so motiviert dasi het chöne Bäum usrisse :) aber das isch au nöd schlecht gsi, han ja no recht viel ztue gah :)

Wünsch der uf jede Fall ganz en schöne Abig als ledigi Frau, gnüss das schöne Wetter, gahn früeh is Bett und gnüsset eue Tag i vollste Züüg morn

11.07.13 16:45
MsJenaya 

Re: Bräute 2013

@Emma viele Dank! I freue mi scho mega und mir hei tatsächlech planet dr Abe hüt nomol richtig zgniesse. Ab morn bini e verhürateti Frou...i chas fasch ned gloube!
11.07.13 16:58
Mona83 

Re: Bräute 2013

msjenaya: hey cool ich wünsch der ganz es schöns hochziit, s wätter isch ja dä hammer!!! gnüsseds.

Emma: ja das verstahni. mini coiffeuse hät öpis lustigs gseit ich söll lieber nacher go schnyde, wens gstylt seget gseht mer eh nöd falls sie kaputt seget. okay mini sind nöd kaputt zum glück aber hans lustig gfunde so ä coiffeuse wo so ehrlich isch.

bi dir wachsets aber sicher no chli bis zur hochziit.
11.07.13 19:44
LucyLu  		Re: Bräute 2013

Hoi Zäme

Meld mi au wieder mal.... Mir sind na immer hin und weg vom Samstig, zwar simer sit gester wieder am schaffe aber so ganz in Alltag ihkehrt simer nanig. Ich chans chum meh erwarte bis mer d'Föteli über chömet aber da mussi mi glaub nachli Gedulde. Bin immer wieder d'Chärtli am lese und min wunderschöne, mittlerwile Ihtrocknete Bluemestruss am beguetachte. Uuuunnd mis Chleid.... Hach es hangt am Schrank und ich muss es jede Abig umarme und in Sack inne gügsle ich wots wieder ahlege....

Ich hoffe es gaht oi allne guet? All wo das Weekend und Morn hüratet wünsch ich es wunderschönes Hochziit, Fraue, gnüssets ih volle züge, es isch eifach es Hammer gfühl!

Grüessli
12.07.13 07:36
drusilla  		Re: Bräute 2013

Jöö, LucyLu, so schön! Fröit mi, dases so es schöns Fescht gsi isch, das immer nonig ganz im Alltag acho bisch

12.07.13 07:37
elea 

Re: Bräute 2013

guete morge zeme!

MsJenaya, wönsch der e wundershcöne hochzitstag! ;)

wie gohts eu allne so?
ha e chlini frog... muss momentan Vase sueche för eusi tischdeko. mer hend gseit mer chaufe si selber, chont gönstiger as wenn sis organisiert... jetzt eschs aber en unlösbari ufgabe exakt sone Vase zfende wie mer si wend ond vorallem wod maas genau stimme! :) hend jez gester die landi eini gseh wo zemli guet passt. si esch ned perfekt, aber mer hend de beidi gseit, chom mer chaufe mol eini ond luege wis wörd usgseh. ond jez mini frog. die base choschtet 13.5.- (i werde öpe 6st. müsse ha! esch das vell 13.5 för en Vase??? i weiss esch e dommi frog....
 1 .. 1218 .. 2433 2434 2435 2436 2437 .. 3097 .. 3757
richtig   irgendwie   Kollegin   Problem   bearbeitet   vorallem   schnell   himbeer   wirklich   langsam   Zeremonie   natürli   eigentli   eigentlich   einfach   Zuletzt   gspannt   Hochzit   schaffe   natürlich