ebe gsehsch, de würdi uf dini kollegin warte. evtl. cha sie dir die datei schicke wo me cha bearbeite. de chönt druckerei jo sälber apassige mache bis es schön usgseht. aber eg würd au luege wäge de zuesatzchöschte, nid dass de plötzlich no vöu meh muesch zahle wäge de änderige.

ja es wird zwangsläufig uf das uselaufe. ich chum eh nöd a die date ane bis früehstens hüt abig.

es schisst mi eifach mega ah grad. d iladige sind öpis vo dem gsi wo mi am meiste druf gfreut ha und am meiste zit und energie investiert ha, und gnau das isch jetz so müehsam. und nöd mal wäg mir, sondern weg anderne lüt. ich ha scho gar kei freud meh dra.

ja ich hoffs, ich ha ebe gester scho s gfühl gha ich seg mega erliechtered will mers endlich hend chöne fix mache mit dene iladige und hüt chunt wieder de hammer. das isch glaub vorallem s müehsame, immer die ups and downs.

ja das stimmt. ich ha ehrlich gseit au druf gwartet das no so öpis chunnt will bis jetz alles so riibigslos abgloffe isch.

ich ha jetz mit de druckerei telefoniert. sie findeds selber au mega schad. sie macht jetz es paar abklärige und melded sich nachher wieder... im schlimmste fall muess mini kollegin halt eifach die offene date schicke demit druckerei selber cha apassige mache.

schinbar isches echt es problem vo de druckdate. hüt passiert also nüt meh. mini kollegin muess am weekend entweder alles no apasse oder mir halt die offene date schicke, demits druckerei cha mache. druckerei hät mer aber gseit, falls sie druckdate händ am mäntig morge schaffed, mers vilicht sogar, dass bis am mittwuch gliefered werded. denn chönntis am dunnstig uf post tue.