nicht registriert

huch, aber de söttesi de würklech mau luege... lang geits ja de ou nümme!!!
i bi säuber no nie trouzügin gsi und i weiss, dass das wahrschindlech e rise ufwand isch so sache z organisiere dases de ou klappet. aber si wüsse ja ou nid erscht sit geschter dass dir hüratet!!!
u es isch de schad, wenns luschtegi spili gäb, die aber nid klappe!

hmmmmm.... blöd wemersech so nid druf cha verlah!!!!

u was wär, wenn du dir es par wenigi spili würdsch usdänke, so dass chönntisch drigriffe faus nüt gäng am abe? isch zwar ou komisch, i kenne eigentlech ke brut wo säuber für d unterhaltig mues luege....

nicht registriert

i verstah di valey....
mer söu dä tag eifach chönne gniesse u nid müesse umseckle!
aber die frage vo dene gäscht wägem ässe verwundere mi chli.... chamere da nid eifach ds personal vom restaurant frage? aso wenn i d möglechkeit ha und i ds ässe no nid ha, de hanimi ou defür zb z frage öbsi das oder jenes würde wäglah.... u brot u getränk chamer doch nachesteue? werum dasmer di dermit mues beläschtige?
u wäge musig etc. si eigentlech ja d trouzüge/tätschis zueständig. si si die vo am hochzyt frage beantworte und luege dases louft!

i würd dine trouzüge im fau gar nid z vieu säge wäge de spili wo du luesch defür, schüsch machesi nämlech grad nümme wüu - du luegsch ja

i ha zwar ou mängisch chli müeh mit üsne trouzüge aber i weiss, dass üse tag ribigslos wird abloufe, i weder e uhr no e checklischte mues mitnäh si si super im organisiere u i vertroue ihne da voll und ganz

i hoffe sehr, dass dini trouzüge ändlech mau dr finger usem füdle näme (die si doch scho immer chli müehsam gsi gäu?) und fürsi mache. a ideene für spili sötts nid mangle, ei blick is internet gnüegt u mer het e huufe ideene zur uswahl!

nicht registriert

@deby90

hihi dis mami het e schöne verglich gmacht wägem theater! stimmt scho....
die spontani freud isch immer die schönschti
u wede die lüt kennsch wo dr d spili organisiere und weisch, dass si nüt mache wo du nid wettisch chasch gloub dere sach ou scho ruhiger entgägeluege

deby90:

---

Hey mädels
Ich wott mich au mal zu Wort mäldä... Grad so nach dere Diskussion betr. Spiili und so...
I glaub ä Hochziit sött doch au na chli Überraschig für s Bruutpaar sii und mer sött ja nid scho alles wüssä. Ich bin au so eini vo denne wo am liebste alles perfekt hät, dä ganzi Ablauf planet und genau weiss wänn was isch. Jedoch han ich vo mim Mami müäsä ghörä dass ich chli sell ufpasse dass es am Schluss nöd würkt wie es Theater mit Hauptdarsteller, Souffleuse (TZ) und Statiste. Ha mer das dur de Chopf gah lah und sit det chani das ganze scho viel lockerer agoh...