hmm dchöste weissi fürs Standesamt nöd aber das git ja so Ehevorbereitigs und Trauigskoste + zahled mier halt no 75 CHF meh will mer nöd i dere Gmeind hüüratet wo mier agmolde sind...
und glaub 20 CHF meh will min Maa ke schwiizer isch und sie irgendwie sini Date anderst münd abklääre... kei ahnig...
also ich rechne mit 500 chf + Aperòlocation 150 CHF

Aso, d Chöste weiss ich au nl ned gnau. Well mer no ned sicher sind welles Standesamt mir nämed..
Ez isches ebe grad no doof. Mer hend eigentlich es Favoritestandesamt. Mer hends aber no ned chöne reserviere, well mer erst 1 Jahr vorher chönt.
Ez hemmer vomene Kollegepäärli e Hochziitsiladig becho und sie hüratet genau dete. Esch das denn doof, wenn mer am gliche Ort sind? Gseht das us, als ob mers nachemachet, oder würdet ihr eu nüt debii dänke?

Oke, denn mach ich mer ke Gedanke drüber

Wie findet ihr das eigentlich, wenn mer die zivil Trauuig inere alte Chile macht. Sie isch nüm "religiös" und mer chan det dine eifach zivil hüürate...

Das wär si und si gfallt mer ebe sehr, aber ich weiss ned, ob das komisch isch....

Sorry, ha höt chli vell Frage

Datei-Anhänge

altekirche_eingang.jpg Mime-Type: image/pjpeg, 43 kB

ich ich han grad mega shcöni käärtli gseh (post unsere engelhafte Hochzeit) die grüene aber ich bin mich am frööge wie sie die gfaltet hett

Danke für eui Antworte. Aso mer hend beidi vo Afang ah gseit, Hochziit in Chile miteme Pfarrer und so, niemals.
Mer seit das ganze eifach ünerhaupt nüt. Aso ich glaub ja scho a irgendöpis, aber ned da dra, das eine mit eim Brot und eim Fisch all Mänsche ernährt het (wett niemertem znöch trätte, wo dadra glaubt)
Aber das isch sones härzzigs Chileli, wo öpe Platz für 30 Lüüt het und eifach standesamtlich isch. Aso meh redet ned über Gott und so... Das findi ebe no cool.

@Valeria: Ich glaube, die het das grüene Blatt (A4) agschnitte uf de Siite so idene Schregene und denne nume links und rächts gfalte und das wiise Blatt den inegsteckt... Weisch wieni meine...??

Ha no grad probiert es Bildli zkreiere

Zuletzt bearbeitet am 10.05.12 15:13

Datei-Anhänge

Karte Valeria.png Mime-Type: image/x-png, 9 kB

Hehe, isch gerngscheh

Wo in Bülach düend ihr eigentlich hüürate? Bisch denn du vo dete?