Guete Morge Fraue

Gester bini ganz noch ame Nervezemebruch gsi.. Han so viel ztue ga, t torte isch verutsch und schreg aber isch mir jetzt glich.. Chrümme kein Finger meh!

Vale
Ich wünsche dir schöni Ferie!

Min Steckbrief :)

Min Name isch Katja bin 23gi chume usem Züri Oberland und bin sitem 15.10.2006 mit mit Schatz zeme. Verlobt simer sitem 01.01.2013 und eusi Hochziit isch HÜT!! Ich han en fast 2 Jährige Sohn und en chline Hund. Usserdem hani eh jüngeri schwöster, frisch verliebt :P

So fraue ich wünsche eu en schöni Samstig! Gange jetzt go hürate

saluti zäme!!
ich meld mi nur ganz churz us italie!

@manokasa: ich wünsche dir es wunderscshöns hochziit!!! und natürli au allne andere wo hüt hüatet!

@steckbrief: da mahci doch au no schnell mit:

min richtige name isch Simona, bin 31gi und chume usem zürcher glatttaal. mittlerwiele bini zwei dörfli wieter zoge. da wohni jetzt mit mim schatz sit 6 1/2 jahr.
zäme cho simmer am 16.10.2002 und händ eus am 14.02.2012 verlobt.
hürate tüemer am 24.08.13.

huustier gits bi eus au nur höchstens insekte, aber suscht nüt.
mini hobbies: kino. reise und tauche. und natürli viel ziit mit mine fründe verbringe mit feine ässe und guete wiegläsli.

so, jetzt wünschi eu e ganz e schöns wuchenend und bis glie,
eui nemo

Guete Morge aui zäme

Bi dem Steckbrief machi doch au no mit:

Mi richtig Name esch Andrea, eg wirde im November 35gi und wohne im Kanton Solothurn.

Mi Schatz und eg si sit em 30.08.2009 zäme und sit em 20.03.2010 wohne mer zäme.
Verlobt si mer sit em 03.11.2012 und hürote döi mer am 16.08.2013 zivil und am 17.08.2013 kirchlich.

Mini Hobbies si läse, Kino, shoppe, Pilates, fein ässe und choche und Gsellschaftsspieli mache.

Jetz wünschi aune e guete Start i die neui Wuche!

Liebi Manokasa

E gratuliere euch ganz härzlich und wünsche euch nur s'Beschte für euchi gmeinsami Zuekunft. Es freut mi dass dir e schöne Tag gha heit und e freue mi scho ufe Bricht und Föteli

Guätä Morge Mädels

Hui da hani ja einiges verpasst, chunt devo wänn mer am fritig namitag an see gaht anstatt go schaffä. und ja bi dem wätter bini natürli au nöd am pc gsi am weekend.

@manokasa: Gratuliär der ganz härzlich zur hochziit. hoffä hegschi sie nach dem stress chönä gnüssä, das glaubi dases heiss gsi isch, ich hans bi üsere hochziit scho heiss gfunde i dem rum und letscht samstig isches ja no wärmer gsi.

Steckbrief: hey nei das isch ja ä cooli idee, machi doch grad mit obwohl ich chli spat bin

Min name isch simona (guguseli nemo ) und ich chumä us rapperswil am schöne zürisee
mitlerwilä wohni aber wägem job und wägem schatz im kanton glarus aber ganz am afang, das heisst ich bin nume 20min. vo rappi entfernt, aber irgendwänn wirds mi scho wieder dethi zrugg ziä

bin mit mim schatz sit äm 1. april (kein schärz ) 2007 zämä. wohne düämer sit äm 2008 zämä und verlobt simmer sit äm januar 2012.

hustiär hämmer degus aber au nur will ich leider zwenig ziit und platz han für än hund. aber wirde ganz sicher mal hünd ha.

hobbys hani ebä chli viel, drum gseht mini wohnig zur ziit chli vernachlässigt us.

machä gärn sport, joggä, schwümmä, blade, skifahre, snowboarde, wandere
mini liedäschaft isch s ishockey, det gahni a jedes spiel vom zsc.
im summer bini nur verussä azträffe, entweder am bade oder ide bergä oder irgendwo unter ämä baum am läsä. liesä au nur grusigs zügs, je meh seriämörder desto besser.

ah ja und reisä, leider fählt mer für das chli d ziit und s gäld mängisch

chind weissi nöd gnau öbi überhaupt mal will, warschinli scho aber momentan gnüssi s eheläbe so richtig mit mim schatz.

Liebi Manokasa,

au vo mer no härzlichi gratulation, i hoffe ehr heit dä tag so richtig chönne gniesse!