Ohhh so schöni Kleider hender

Ich han am Samstig di zweiti Aprob, freumi scho mega :)

hä, das hani gar nöd mitbecho elea
gahsch no es anders chleid go poschte? isch
ja mega en seich ! händ die das nöd anebracht
so wies du häsch welle ???

aso eigentli hani no wele warte met verzelle bes es definitiv definitiv esch, aber egal ;)
am mentig hetti jo de Termin met de schniderin gha, si het mer gschrebe dass es e seich sig wenns so heiss sig well me denn ufdonse esch und schwetzig und das send ned optimali bedengige zom es chleid abstecke. do het si absolut recht denki, mer hend de Termin de ofe samschtig verschobe. ergendwie hani a dem tag voll d krise becho wells 2mt vor de hz esch ond i ned weiss ob mes chleid öberhaupt cha ändere etc. han euch jo di ganz gschecht gschrebe. vor paar täg hanis chleid elei dehai probiert ond es esch soo onbequem gsi dasi panik becho ha (hani glaub au verzellt). ond ergendwie hani a dem mäntig eifach nöm wele lenger warte... i has gfüehl gha i muss öpis mache... er wösset jo au dassi so oder so bez en hass liebi zzo mim chleid ha, es gfallt mer mega guet aber i ha Emmer s gfüehl gha dass es eifach ned mis chleid esch... item... am mentig hani de spenner gha, ond ha enre frau in ZH gschrebe obi eres chleid döf cho aluege (has Occasion em Internet gseh). ond es het mer sofort mega gfalle. ha de mini TZ ipackt ond be zobe of zöri zom das Occasion chleid aprobiere. i has agleit ond es het vode grössi her perfekt passt. mer hend alli gstunet es esch wie of min körper gschnideret gsi! en mega zuefall dass eim s chleid voöper andere grad so guet passt. odn vorallem, es esch das chleid woni Emmer gsuecht han!!! es esch perfekt!!!! i has vode erste sekonda a gliebt!!! es het alles betont womer gfallt a mim körper ond alles kaschiert woni ned mag. es esch liecht ond bequem ond i füehl mi soo toll denn! denn hani zom erste mol gwösst was ehr meinet met dem "das esch mis chleid"gfüehl! i has eifach gwösst! i has nöm welle abzieh ond i hami gseh ade hochzit met dem chleid!!!!!! s einzige esch, dass es en chlini schleppe het ond das magi ned, aso lohni die denn no lo chörze, ansoscht muess me absolut nix ändere dra!!!!! sie lohts jett no lo reinige ond denn chas (höffentli bald) mol go abhole. ond de no d schleppe chörze und schwups beni ready!
sorry esch jez bez en langi gschecht worde :)
s andere chleid lohni jez mol so wis esch, so lang i deses chleid nonid bi mer dehai ha wetti das bhalte. i has au nonid gross öperem gseit well i angst ha dass no öpis chönt schief go. be erst beuhigt wenn s chleid denn bi mer dehai esch :)
i weiss es esch onvernönftig ond absolut domm. aber i has gfüehl e tonne schweri lascht gheit mer vode scholtere, jez woni weiss i werde mi wohl und schön füehle ade hz! bi desem chleid hani Emmer gwösst dass es eifach ned mis esch... i probiere de nach de hz s alte chleid gönstig em Internet zverchaufe. meine es esch jo absolut neu! :)

so, nomol sorry för di lang Story...

aber das freud mich mega für dich elea dass du DIS chleid gfunde häsch und du dich schön + wohl drin fühlsch ! so MUESS es au si ... wenn chunsch es dänn über? hät sie dir scho en termin gnennt? und gits evtl. es föteli vo dim traumchleid?
es freud mich uf jedefall sehr dass du jetzt so happy bisch, so chasch dich nomeh uf eui gross tag freue

@elea: hey das fendi mega schön dass jetz DIS chleid gfunde hesch. und das esch jo e super tolle zuefall dass das chleid grad passt. vermuetlich esch das schicksal! das het müesse so cho. uf jede fall freuts mi extrem für de! so schön!!!

@elea, das isch doch super! Freut mi sehr für dich dases irgendwie no klappet het... s isch scho so, wenn scho immer nöd würkli zfriede gsi bisch, denn hets au kein Sinn gah... isch doch fast Schicksal dass das neue so agosse passt, hoffentli chunsches bald über :)