@Valeria: Hen iar nid so öppis wia an Tätschmeister? I chan diar leider nid säga ob das viel isch oder nid. I kenna das überhaupt nid, dass ma so öppert angagiart. Bi üs im Umfeld isches so dass miar a Tätschmeister hen und dä tuat dr ganz Obet organisiara und so Unterhaltigsilaga machen üseri Verwandta, Bekannta, Kollega...




****Ziviltrauung 26.7.2013 & Zeremonie in der Woche darauf auf hoher See ****

Bi eus au. De Tätschmeister weiss was eus passt und was nid. Er wird denn vo all dene Sache wo a ihn anetreit werded, die uswähle, wo er denkt dass sie eus am meiste spass mached. mir händ ihm gseit dass mir wend dass chli öpis lauft, aber nöd anndauern. er macht das scho, da hani volls vertraue i ihn.
was mir eus no überleit händ isch, so en "chellner" wo ebe keine isch z'organisiere. mir händ das mal amene firmefäst gah und das isch sowas vo witzig gsie. bis das d'lüt gschnallt händ dass sie verarscht wreded... so lustig!! aber mir händs denn sie gla, will de spass grad wieder einiges choste wür...

Ein Paar seit 16.10.02, verlobt am 14.02.12 und geheiratet wird am 24.08.13

Hallöchen zusammen

@Valeria: Ich finde das eigentlich einen guten Preis. Die meisten Djs kosten ja 1500 Fr in etwa. Und du hast da ja dann fünf Personen oder so, die für die Unterhaltung da sind, da denke ich, ist das schon angemessen
Wir haben mal den DJ in unserem Stamm-Pub angefragt. Der hat gesagt, er würde es für 600 Fr. machen. Wär ja mega

Wir haben ja für den Abend ein Caterer, welcher auch die Gäste bedient. Jetzt haben wir uns überlegt, dass wir noch eine Bar machen wollen. Der Caterer bietet das nicht an, deshalb denke ich, dass wir die Getränke selber kaufen und dann jemanden fragen (ist eine Bekannte und wäre eigentlich sonst nicht eingeladen), ob sie uns die Bar macht. Was haltet ihr davon und was denkt ihr, ist ein angemessener Preis? Wenn alles schon parat ist und es wirklich "nur" ums Drink-Mixen geht...

Wünsch euch ein schönes Wochenende.

Liebe Grüsse

Hoi zäme

hmmm bin grad nöd so guet gstartet... ha mi gester über mini schwöögerin ufgregt und min GG het mi au grad no hessig gmacht... ach mensch

ich han mal e frag.... ich han ja kein Atrag becho....
mier hend letscht jahr im summer a de HZ vo mim Cousin drüüber gredet und denn wo mer vo de Ferie zrugg cho sind hend mer eus uf es Datum geeiniget und aafange HOtels sueche... ich han denkt es chumt denn scho no eine... aber nei... und wenn ich ihn fröge wieso chumt eifach de Spruch: ja eifach ....
ich bin mega enttosche und es tut mer mega weh....


bez. DJ hend mer ez nümme gross drüüber gredet aber ich glaube es lauft druf use dass mer ihn nemet....


@ sterndli
also du wotsch dinere Kollegin ööpis geh? wie lang müsst sie denn öpe?
hmmm ich würd so 200-300 CHF... oder so isch no schwierig...

@all
in Waldshut hetts en mega coole Bastellade... de heisst Teddy und hett so bastelwaare für 1 Euro und so.... und denn mega schöns Züüg vorallem!


lg valeria