@ valeria, das verstahni, dass du da chly enttüscht bisch..! i hoffe ganz fest für di, dass dä atrag no chunnt
meistens ja denn, wemes gar nid erwartet !!

- 22.06.2013 -

I verstoh di Valeria. Ich han au keine übercho ond das wurmt mi hüt au amig no... Am meiste denn, wenn dLüt eus froged wie de Atrag gsie esch oder wenn sie säged: zeig mal din Ring! Und ich säge denn: I ha kene...

Es esch halt scho en spezielle emotionale Wert dehinter und mer erinneret sich sLäbe lang a de Moment. Genau so esch es met em Ring. I "bruche" de Ring ned, damit i en Klunker ha, sondern wills es Erinnerigsstück esch, wo mer eifach am Herz liet.

Es esch ned so, dass er kein Atrag het welle mache. Er het eifach de ober-perfekti Moment welle ha ond het solang gwartet uf de Moment, dass eusi Hochzit scho fast fertig planet gsie esch. Ergendwenn hanis de nöm lustig gfonde, bzw. es wär eifach nüt me speziells gsi, wenns sech sowiit usezögeret, vorallem hani afo zwiefle warum ers den solang ned macht. So hets au zu chlinere Strits ond Missverständnis gfüehrt ond am Schluss hets mer abglösche ond i ha gseit i welli kei Atrag me... I glaub er bereuts scho bitz, dass er kein Atrag gmacht het, au wenn er das ned so zeigt. Aber er merkt genau, wies mi verletzt, wenn anderi vo ere Aträg und Ring schwärmed, während ich näbedra sitze und innerlich dra dänke, dasi mer das au gwünscht hät.
Was sells. Er hürotet mi met sim ganze Herz, das esch sschönste ond mer send sehr glücklich. I chome drüber weg, dass es kei Atrag geh het

sWichtigst esch, dass er di vo ganzem Herze liebt und wet hürote

jö i verstoh di so guet. i ha mi genau glich gfühlt...
mer send letscht samstig au grad weder demit konfrontiert worde. min gg het de kolleg gfroget: und wenn hüroted er, machsch ere no en atrag? denn het de kolleg gseit: jo aber i bsorge zerst no en schöne ring, sie hätti sicher freud ame ring und er fändi, das müessi scho sii.
dfründin esch näbe mer gstande ond i ha gseh wie sie sich jetz scho druf freut... ich gönn ihre das vo herze, bin aber halt entüscht gsie, wills bi mer ned so cho esch.

i ha mim gg das au scho unter träne erklärt... er het das scho verstande und ihm esch es eigentlich au wichtig gsii, mer e atrag zmache, er het würklich welle. er het eifach en spezielle moment welle und keine gfunde (debii häts miner meinig no viiiiel gueti momente geh ). tja... so hets sich ergeh, dass es ergendwenn zviel gsie esch und wie du seisch, es esch denn nöm sgliche... ond i ha au ned welle, dass er en atrag macht, will mer träne abelaufe und i mi froge, warum den keine chunnt. i ha nie verstande wo sproblem esch... aber es get eifach manne, dene fallt das offebar unheimlich schwer. min gg het den au erklärt, dass es ihn viel muet chostet und er nüt wet falsch mache usw...

es sind halt ned alli manne glich (diesbezüglich). vellecht chonnt dim schatz ja glich mal no en schöni idee, wie er dich chönnti überrasche, au wenns kein atrag esch, aber sust ergendwas schöns. versuech di ned zfest inesteigere und ihn so guets goht in rueh loh mit dem thema. du hesch es ihm gseit und er sets wüsse. jetz liets a ihm. falls er nüt macht, muesch das wohl oder übel akzeptiere. aber er wird dich i euchem läbe sicher no oft überrasche mit schöne sache.

ja vorallem, warum münd gwüssi lüt au no debii sie??? das goht doch au wenn mer nur zu zweit esch (was mer eh besser gfalle hätti).

@valeria, oje das tuet mer leid! Ich hans ebä sälber id Hand gno Aber wämä sich das so usmalt und vorstelligä hät, verstahn ich guet, das mä sich das wünscht und enttüscht isch wämä kein Atrag überchunt!! Ich hoffe fescht, das äs doch na eine git..i mä Moment wo dus am wenigschte erwartisch!!

@snet, cool!! Dämfall bin ich nid di einzig wo d Filtterwuche vorzieht!! Bi üs gahts scho i zwei Mönet los!!

Hallo zäme!!
Hui ui ui, bi eus häts grad gschütted wases abe mag.
Ha grad riesig Freud, ha eusi Save the Date Charte hüt bstellt. Und wili grad so i bstelllune gsie bin, hani grad no so Satin-Bänder mache lah mit eusne Näme und em Hochziitsdatum druf. Mit dene tueni denn d'Weddingbubbles (woni hüt au no grad bstellt han) verziere. Denn gsehnd no bitz fästlicher us!
Ha die Weddingbubbles in Dütschland bstellt, die chosted grad d'hälfti. Sie lieferd aber nöd id Schwiez, aber für das hani ja mini Lieferadresse in Konstanz! Die best Erfindig ever!!
So, jetzt wünschi eu en schöne Fierabig und bis glie!!
Nemo

Ein Paar seit 16.10.02, verlobt am 14.02.12 und geheiratet wird am 24.08.13