| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Bräute 2013
 1 .. 1310 .. 2618 2619 2620 2621 2622 .. 3190 .. 3757
05.08.13 17:16
himbeer 

Re: Bräute 2013

haha du bisch demfall au es pinterest-opfer valey... iiich bi au eis

06.08.13 07:56
valey 

Re: Bräute 2013

Guete morge Mädels
wie gohts eu hüt soo??

hihihi himbeer jaaa ich liebe Pinterest :))))


gester hani paar erfolgserlebniss gha
be chli go poste und ha mini ohrering gfunde fürs hochzit :) ganz fiini schlichti aber u schön
denn hani no azügli postet für mini ringträger
und en flüge für min gg
plus no isch s päckli vo zalando cho med de schuhe für min gg und hömmlis...
hüt geht's modeschau hihihi
06.08.13 07:56
Lus

nicht registriert

 Re: Bräute 2013

Guete Morge liebi Brütlis

I ha no News wäge geschter. Mi GG isch ja zur Trouzügin ga rede.
Si und d Kollegin vo itze dr Polterabe organisiert hei ja zäme telefoniert. Si heisech bis itze no nid kennt. D Kollegin het gseit, es sigi es guets Gspräch gsi, d TZ het am GG gseit, es sigi es scheisse Telefon gsi. D Kollegin heigse schier überfahre, ihre Vorwürf gmacht dass sis nid organisiert heig, ihre wöue vorschribe wiemer es hz organisiere etc. etc. I weiss ou nid wasi söu gloube!?!
Ursprünglech si 2 Datum offe gsi füre Polterabe, 1 isch ar Kollegin nid gange. De heimer dr ander i Betracht zoge. När het das huere Gstürm agfange. Mire TZ z lieb heimerne de när nomau verschobe. Si macht mer itze aber Vorwürf, i heigse gar nid gfragt öb ihre das datum itze göng... (debi hanise gfragt u si het gseit sig ok!). si het sech itze emu entschlosse, nid a polterabe z cho. schad, i hätt mi gfreut, aber wenn si nid wott isches ihri sach und i akzeptiere das. fides eifach schad.
anschinend het ou no grad üse fahrer fürs hz (isch ja e überraschig) abgseit u de isch eifach aues grad chli zämecho.
schlussändlech chani nüt defür, wenns zwüsche dene 2ne nid giget het am telefon und i cha ou nüt defür, wenn dr fahrer abseit. s isch ke grund mi dermasse azfahre.
am Mittwuche chöme si z bsuech zu üs u i wott das ei für aui mau us dr wäut schaffe. ma doch nid so es hönne puff ha wäge nüt! u i mamer nid ewigs no vorwürf müesse la alose. he, es geit umne Polterabe nid ume Empfang vor Queen

06.08.13 07:59
Lus

nicht registriert

 Re: Bräute 2013

@valey
wow da isch ja geschter rächt öppis gange bi dir....
dini to-do lischte schrumpft ja i rasante schritte

06.08.13 08:02
valey 

Re: Bräute 2013

Lus
uiii neeiii uffff... glaub mer Fends au uuu schad die ganz gschicht bi der.,.. voll s hin und her
ich as trauzügin würd mi ned getraue so dumm tue... du hürotisch und settsch freud am ganze ha
ned soo es puff!!!!
ich glaub s beste isch eifach wenn ehr z 3e eifach mal zemehocke und drübert rede
so schribe und sms und Telefon geht Emmer so durenand...

hoffe chunnt guet *drückdichganzfest*



jaaa mini todo liste schrumpft und schrumpft...
no 18 täg hiihhi


wer hütoret das Weekend eigendli?
06.08.13 08:13
Lus

nicht registriert

 Re: Bräute 2013

@valey
i gloube, zämehocke bringt nüt, das git es huuuere gstürm. ds beshte isch eifach äue, das ganze zwüsche dene beidne la ruhie. dass si nid wott cho isch schad, aber i due das so akzeptiere.
i ma gar nümm diskutiere u stürme mit ihne, i wott doch eifach dr fride ha u mi chönne freue

bi üs sis no 17 täg.... u langsam aber sicher söttemer mau es lied ussueche fürs tanze...... s isch so unwürklech, dases nume no so churz geit.

i weiss gar nid wär hüratet, ha mini lischte vernuuschet...
06.08.13 08:15
Manokasa 

Re: Bräute 2013

Morge

Lus
Hee bisch en armi.. Ich muss aber ehrlich sege, die zwei Fraue sellet sich da mal zemeriise.. Es gaht bi dem ganze um dich und nöd um sie.. Sorry weni das jetzt so sege.. Ich wür au mal z dritte zeme hocke, viellicht hilfts..

Vale
Uhh bi dir gahts nüm lang! :P schöööön!

Bin gad am Fötteli sortiere, tues nachr gad i min thread!

06.08.13 08:18
valey 

Re: Bräute 2013

jaa isch würkli uere schad dass sie ned chunnt... aber ja log du muesch di würkli freue und das gnüsse
hoffe sie beruhigt sich..

boahh jaa bi der gohts au voll nümm lang :) hey die zit isch gflogeeee


aso lut gwundernaseliste isches wie folgt:

8 + 9 + 10 fami + happy83
12 Cora zivil
15 bow zivil

denn nächst wochenend

17 bow, cora, steffi84, nini

und denn s übernächste

23 lilly + lus :)))
24 ich + nemo

und eine spöter

30. kangoroo + snowflocks
31. Lilly und Emma
06.08.13 08:24
dandi78 

Re: Bräute 2013

guete morge zäme

eg hürote am

16.8. zivil
17.8. kirchlich

:-))
06.08.13 08:29
Lus

nicht registriert

 Re: Bräute 2013

machet mi nid närvöööööööööös
hinech weimer no d lischte füre fotograf fertig mache daser weiss mit wäm mir aui föteli möchte. heiter öichi scho parat oder machet dir das gar nid?

i hasse so zickekrieg. u i ha im momänt ächt nümme d energie zwüsche dene beidne ga z vermittle. i la das itze eifach la ruhie u hoffe, dass nid irgenöpper z gfüeu het, er müess sech itze ou no imische i hoffe eifach, die beide düegesech am hochzyt de vertrage

no e chlini frag:
heit dir während de einzelne gäng am abe ou spili oder darbietige? wenn ja, müesst oder düet dir am restaurant mitteile, wie lang dass die darbietige öppe göh dass si wüsse wägem nächste gang schicke?
 1 .. 1310 .. 2618 2619 2620 2621 2622 .. 3190 .. 3757
himbeer   einfach   gspannt   Problem   eigentli   Kollegin   eigentlich   irgendwie   bearbeitet   langsam   richtig   schnell   natürli   Hochzit   schaffe   wirklich   vorallem   Zuletzt   Zeremonie   natürlich