mir hei eus eifach ufs minimum wöue beschränke. es gäbt no so vöu schöni sache wome mit blueme chönt mache aber das choschtet eifach aues extrem vöu gäud. mit 1200 franke chöi mer läbe :-)
lus, eg ha au ke deko am apéro. aber eg finde, das bruchts au nid unbedingt. klar gsehts immer schön us wenn me no deko het, aber findes nid zwingend nötig.
üses apero geit nume knappi 2 stund (ds brutpaar geit nach 1,5 stund). si düe aber dusse uf dr terrasse loungemöbu schön häresteue und mer het e wunderschöne usblick uf thun und de see... das längt i mine ouge eigentlech... obwou, es paar blüemli wäre nid schlächt? nei, i las la si, s interessiere sech eh aui nume fürs ässe
wow, lus, sone tolli location heit dir? aso de würdi der bluemeschmuck definitiv wäg loh. am apéro esch würklech vor allem s'ässe gfrogt. und wenn de d'lüt no e usblick ufe see hei bruchts keni blueme me. die würde wahrschinlech gar nümme uffalle
ja ds resti isch super womer hei ds apero findet ir bar statt... e ruum mit ere riise holzbar (us alte boumstämm) när chasch use ufene (zwar relativ chlini) deckti terrasse (s cha aso schiffe wies wott, mir si eh am schärme). vo dete us hesch de dr usblick ufe see. nume weisi no nid gnau wo de d musig wott spile, wird scho bitz äng
wow lus jo das tönt jo hammer euchi Location! aso fende do bruchts wörkli kei deko me!! en Lounge und en Seeblick! wa wet me nomeh! dasch gnueg "deko"! ;)
ah mer esch grad no öpis i senn cho.... machet ehr d gschenkli vode gäscht grad a hochzit uf oder erst dehai? mer gönd 2täg spöter ed ferie und de chönti mi erst nach de ferie bide lüt bedanke.... de hani mi gfrogt (well mer so wenig lüt send (16gäst ond dronder no päärli, so vell gschenk geht das ned ;) ob mers grad ade hz sele ufmache! wie handlet ehr das?
Anmelden
