genau lus, es si aus so chlinigkeite, wo aber glich irgendwie wichtig si.
mir hocke nöchscht wuche no einisch mit de tätschmeister zäme (drü tag vorem hochzi, uiiiii) und bespräche no mou die letschte details. uf das freui mi, bis denne sött jo eigentlich alles erledigt si... hoffentlich

Guete Morge Ladies, luege au wieder mol churz ine

@Elea: wow meegaa toll worde dini Gastgschänk und d Cherzli, gseht ächt super us .

@Lus: bi froh het sich das bi dinere TZ klärt, wenigstens het sie jo offebar def. keis Problem mit dir sondern eifach mit de andere.

@snet: jöö so süess vo dim Maa . Und finds super dassd dini Uszyyt bald chasch mache, bimene Töpferkurs wäri also glaub au grad debii . Hoffe dass es dir bald besser goht und dir die Uszyyt neui Chraft zum Uftanke geht.

@me: mir händ am Wucheändi d Gastgschänkli au fast fertig gmacht, de Vanillezucker mues aber no mind. 1-2 Wuche zieh denn chöne mir ne erst abfülle, aber de Räste esch fertig abgfüllt. Jetzt muesi alli einzelne Gläsli / Fläschli etc. mol no aschriebe das wird au nomol es rächts Zyytli go.

Gester simmer bim Standesamt gsi fürs Vorbereitigsgspröch, mir händ e megaaa tolli Standesbeamtin verwütscht freu mi grad total dass sie eus wird traue esch mir super sympathisch gsi . Aber mir händ nonig alli Formular chöne unterschriebe, de Name vo mim Mami esch minere Meinig no falsch gschriebe gsi jetzt müend sie das zerst mit em Geburtsregister abkläre *g* . Aber de Räste hämmer glich efang chöne bespräche, wird sicher schön do beni zueversichtlich .

Deför hani es Problem wäge mim Chleid fürs Zivile, has am Week-end wieder mol agleit und irgendwie sitzts eifach überhaupt nüm, s het sooo komisch usgseh als hät ich e Schwangerschaftsbuuch . Ich fühle mi so voll ned wohl, luege jetzt mol chli ume öbi ev. no öpis anders finde sust heissts denn Spanxx-Unterwösch alegge .

hey eve, wart mol no weg de spanxx, eventuell hets au bez met dim Zyklus ztue... an einzelne täg esch me jo Emmer bez ufbleiht und füehlt sech au ned so super wie an andere. i wörd mol no e Woche warte und de nomol is chleid ine schlüüfe und luege ob di emmerno so füehlsch. well i fende spanxx unbequem und me het Emmer so heiss i denne dinger ;) musch luege velecht eschs wörkli eifach sone tag gsi woder ned so gfalle hesch!

valey, mer hend zwar kei bluemechiner, laufe aso nome ich met mim schwi-pa ine. aber mer werde sogar das emol probe. ca. 1 Woche vor de hz werde mer met de TZ, de eltere und em Pfarrer ad Location go und de seit de Pfarrer allne wo si mönd he stoht, dass das alles riibichlos lauft! vorallem met chinder wördi das definitiv mol üebe.soscht sekle die a dem tag im züg ome ond du wersch wahnsennig!

hmja probe isch super. mir mached no en tanz mit eusne TZ und nur scho es datum für das no z finde isch es problem so wies usgseht.