haha ja genau. guet ich denk die hätter scho länger. aber wenn min fründ oder was au immer mich bi anderne würd als gschleipf bezeichne, hetti au chli es problem demit... haha.

ja guet demfall sind mer 93 lüt falls sich jetz würkli all no ameldet wo mer iglade händ.

wow himbeer, dir sit jo mega vöu lüt. so cool, e mega party!

apropo ärger met de gäst....
mer hend jo en ganz e chlini hochzit. inkl eus semmer 18lüt. mer hend nome d eltere,gschwöschterti ond eusi aller aller engste und langjährige frönde iglade. ond hendedorre hemmer jez scho erfahre dass sech e tante vo mim frönd mega usgschlosse füehl well mer si ned igalde hend... wohlgemerkt, mer hend nie öpis met ere ztue, ond gsend si velecht all 3 johr emol bimene Familie fest. hets i denn s gfüehl si ghört zo eusne engste 16lüt?
genau glich en koleg vo mim frönd. er esch halt e koleg aber er kennt ehn nonid lang ond er gseht ne halt au nor ab und zue. wo mer ehm vode hz verzellt hend hetts gwerkt as interessiert ehn das gar ned. ond ebe mer zelle ned absolut ned zo eusem enge chreis. jez hemmer vo eim erfare dass er öberall hende dore goht go froge wenn er echt sini iladig bechiem ond do cha doch öpis ne stemme ond min GG wörd sine froge emmer uswicheetc.... aber eus diret hetter noniiiieeeee of hz agsproche!
die lüt spenne doch mengisch eifach oder ned?
aber stresse dud mi das ned, mer stönd zo eusere entscheidig ond jede wo wet cha eus druf aspreche ond mer erkläre ehm das. aber Emmer das hindedorre gschnorr,gjommer ond gläschert...

Ohje Elea, das isch müesam mit dem hindedure schwätze. Aber guet losch di nid drfo lo verunsichere.

Bi uns isch es jo so schnell gange und für die meischte en Überraschig gsi, dass es gar kei gschwätz geh het. Im Nochhinein händ sich den alli gfreut.

Ich würd gärn nomal es Gartefescht mache wo me halt anderi Lüt au no cha ilade und s guet hat mitene.

Ou Elea hei nei gohts no, das wörd mi au ufrege so öpis ! Weisch mich dunkts das sind eifach amigs Lüüt wo so ganz igschränkt dänke, me hürotet so und so, me ladet die und die ii, die chöne sich glaub gar ned vorstelle dass es au andersch goht.

Vorallem frogi mi denn au immer öb sie denn s Gfühl hätte ehne wärs wohl amene Fest wo me sie eigentli gar ned wet debii ha? Ich ha jo au so e spezielle Gast woni nach div. Gestürme mit Eltere und Verwandte denn glich iglade ha "us Astand", ha aber gseit damit hat sichs für mich, esch er halt debii aber bedüte tuets mir gar nüt. Tönt hert aber s esch eso. Do mir jo öpe 60 Lüüt sind fallts mir denn au ned so uf, aber grad bi sonere ganz intime Hochzyyt wie bi euch hättis au ned gmacht.

@dandi: wäge de Chinder, mir händ gseit gha jede wo möcht cha d Kids mitnä, esch jedem sälber überloh sie müend eifach sälber uf ehri Sprössling luege. Jetzt het mi letschthin au öper akickt öb mir denn e Nanny am Fest händ, ich so ähh neiii du sorry aber das esch ned euses Problem.

das findi ebe au! ich glaub die lüüt überlegged gar ned was das bedüütet! ich ha mängisch s gfühl gwüssi meined das isch so chli wie en geburi-party, do cha chli jede cho. für mich isch das öppis komplett anders... und dass eim jede wo meh chunnt es par hundert stutz choschtet überleid glaub au keine