jo lou das stemmt voll!!!! wenn me seit me hürotet wanderet de blick automatisch uf de buch ond de frogts "jääää mönder denn hürote" ond wend de seisch "nei mer hürote wel mer eus liebet" de esch di nöchst frog "jä aber ehr wösset dass er finanziell de schlechter machet so?" ah was wörkli? ghöri zom erste mol....

ich würd das knallhert schribe elea. vilicht merkt er denn, wie denäbed dasses isch.

ich finds au doof, es chömed meistens geg d frau so sprüch. "hät sie dich umekriegt", "hät sies endlich gschafft", "nachher bisch unter em pantoffel" etc. etc. dasses mine isch wo hät welle hürate und au scho sit jahre eigentlich gern chind hett, das isch amel nöd wichtig. ich frög mi amel au was die lüt sich überlegged. me cha ja sini meinig über d ehe ha, aber wäg dem muess mers doch nöd jedem unter d nase binde, vorallem nöd am ehepaar??

@elena: genau! Und mier sin grad in es kliises hüsli züglet (isch lustigereiis günstiger als d wohnig) und jetzt glaubt ger niemert me, dass es liebi isch! Au dass mier stürzechnisch besser laufen glaubt niemert :( was nid en hochziits grund gsi isch, aber gliich... Irgendwie will sich niemert mit üs freua... Das macht mi u truurig! Au dass niemert akzeptiert dass d hochziit nach üserem gschmack isch und NIEMERT us vorschrifta macha söll

jo lou es esch echt trurig all die spröch ond vorurteil und denn das dri gschnorr bide planig...
i werde Emmer gfrogt obi stress ha bide vorbereitige. de denki Emmer so, nei gar ned eigentli s einzige womi stresst send d lüt rengetome wo di schnorre,beileidigt send, dommi spröch brenge und gfüehl hend eri meini zellt! DAS stresst mi jo!
ebe di meischte meinets ned bös aber trotzdem si öberlegge halt ned dass si ned di einzige send met domme wetz ond ned di einzige send wo öpis kritisiere. wenn me de eifach zom 9te mol gfrogt wird "Sender secher dass ehr das so wend mache" de hauts der eifach einisch de noggi use und schwups denke alli du beshc bridezilla!!!

guet ich muess säge bi eus haltet sich so sprüch mega in grenze.

ui nei jetz hät mer grad min GG gschribe. sini eltere händ eus ihres hochzitsgschänk überwiese und ich bi schier hineusegheit! mega grosszügig sinds gsi, krass. mir bedanked eus am weekend miteme bbq wo sie denn grad mal no mini eltere chönd kännelerne... da hani am meiste angst, haha

Ach jo das mit so Sprüch kenni doch. Bi eus sind paar cho will sich mini Schwöster nach knapp 1.5 Johr Ehe scho wieder loht loh scheide und das grad jetzt vor eusere Hochzyyt no durezoge wird. Mich dunkt jetzt sind es paar en Art "misstrauisch" öbs bi eus denn ächt au grad usenand goht, schisst mi au total ah dass ich mir so beobachtet vorchume.

Wo im Gschäft d Info use esch dass ich hürote händ mi amene Apéro es paar älteri Herre aghaue und mir anstatt gratuliert zerst mol a Chopf klatscht: jo du weisch scho, oft trenne sich paar churz nach de Hochzyyt wenn sie hürote nachdem sie vorhär so lang zäme gsi sind (mir sind jetzt 10 Johr zäme). I so Momänt verschlohts mir amigs au grad d Sproch wili denn au dänke hei hallo was söll ich jetzt mit so öpis afange? Cha jo nüt deför wenns bi dene nüm passt het. Anderi hürote velecht nach emene Johr zämesii und trenne sich denn nach paar Johr Ehe, denn het d Beziehig als solches jo au ned länger ghebt.

Elea ich wörd dem glaub fadegrad säge was'd dänksch, meine das esch ned irgendöper sondern eine vo euchne Gäst finde das au seeehr unpassend und denäbe vo ehm!