ja ich find du häsch scho recht dandi, ich ha zum glück au nöd viel söttigs ghört, aber es isch scho lustig was lüt zum teil so gedankelos säged ohni dass sie sich überlegged, was sie demit uslösed bim andere (nöd mal nur uf hochzite bezoge)

ich ha mal es kollegepaar gfrögt, öb sie eigentlich kei chind wänd (das isch aber gsi, nachdem sie mich gfrögt händ, wenn ich endlich hürate). die händ denn gseit, "ja mir üebed scho sit 5 jahr, aber es klappt eifach nöd". das hät mi recht gschockt und ich verkneif mer jetz so sprüch immer. ich has det au nöd bös gmeint gha aber wenn mer de hintergrund nöd kännt, sött mer amig eifach mal e sekunde s hirni istelle bevor mer öpis seit. ich nimm mer das ja au z herze :-)

ich verstah au dasses eim afangt nerve wenn mer dauernd söttigs ghört und de elea ihre kolleg isch mit dem whatsapp scho chli z wiit gange findi.

das fendi au, himbeer, dass der elea ihre kolleg mitem whatsapp z'wit gange esch. sone spruch esch würklech absolut nid abrocht!

velich lits be eus dra, dass die meischte vo eusne gäscht scho verhürotet si und dur das velich nid so vöu so sprüch chöme. und wenn öpper e spruch macht, fendis eigentlich ame no witzig.

aber cha mer scho vorstöue, dass es eim mit der zit närvt wenn ständig nur dummi sprüch chöme.

eve, da stemmt wege de alte paar. aber de denki doch selets eus doch gschiiter tiips ge dasse s bi eus ned au so lauft wie bi ehne. ansatt sege hürote esch schissdreck chönets jo sege "lueget ehmmer guet zonenad das esch wechtig!" weisch wini meine?

muss sege mengisch chani super locker met so spröch umgo ond kontere aber mengisch het me halt täg wome soscht shco ned en reese glöcks-kanone esch ond de vertreit me so gemeini spröch 8wie jez die vo mim koleg) jez halt ebe ned so guet....
bi de kolege wo so dommi spröch (die regel d single Männer) machet denki mengisch si wördet halt au gern aber chönet das natürli ned zeige wells jo ned cool wer

aber de geht's weder anderi wo negativi erfahrige gmahct hend ond das noll of eus öberträget. mis mami het jo en gaz en hässlichi scheidig gha und si et zo eus gseit, för sech glaubi si nöm ad ehe aber si weiss das mer das schaffe werdet zeme glöcklich zsi! so züg esch de amigs en mega schöne ufsteller

Aber es git au schöni amerkige: mis mami het die letschtin gsait, sie freui sich scho uf üseri silberhochziit! Will sie heig a guets gfühl bi üs... Das het mi u gfreut! Und a min schwiger het gsait: willkomme ir familie, es freut mi so für eu, min brüeder het e super frau verwütscht... Das het mi u gfreut