nicht registriert

@elea
hihihihii i wirde mi aut name ou ganz ablege...
ussert am briefchaschte und im facebook wirdine no ha... so aus chlini erinnerig
schüsch gniessi mi nöi name sehr (i wächsle vome "W" zume "A")
Mini mueter seit mer scho übernes Jahr nume no dr nöi Name am Telefon "grüessech frou A**"

wasi no mues mache:
hinech d gastgschänkli ipacke
morn kosmetikere (wimpere + augebraue färbe)
samschtig Coiffure (mini graue strähne ga färbe, probefrisur hani scho gha), kleid abhole und polterabe
sunnti: bir schwigere ga dr wellnessguetschiin abhole
mäntig gastgschänkli ids restaurant bringe

när muesi no so näbebiiiiii
playliste fertigmache, üebe tanze, schueu no fertig iloufe.....

i hamer eigentlech vorgno gha, dasi nöchst mängi abe mit auem fertig bi aber da i mi kenne.....

danke nillich dämfau wünsch eg dir au e wundervolle tag am 17.08.! e dänke scho dass s'wätter guet wird si. alles gueti und gniess es ganz fescht!

lus, das chunt scho guet. eg ha mini gastgschänkli au erscht am dsischtig fertig gmacht. eifach versueche, di nid so fescht säuber stresse.

guete morge ihr all!

bi eus händ sich gester no es paar lüt ah- und leider au es paar abgmeldet, de einte häts leider ganz e spontani hochzit no am gliche tag inegschneit und da das ihri eigeti trauzügin isch, händs det natürli müesse vorrang geh. aber das isch ja au sehr verständlich.

ich renn jetz hüt no es paarne nah wo sich nonig agmeldet händ. denn händ mer i 2 wuche no skype-konferenz mit de fotografin und de samstig sind mer selber no iglade anes fest, ich nutz das grad zum mini probefrisur lah mache bim coiffeur.

das weekend isch denn au s erste sit langem wo mer nöd total verplant sind. freu mi richtig druf... die wuche isch soviel los, ich bi jetz scho totkaputt :-(

guete morge fraue
bin leider au am schaffe ...

ui dandi, bi dier isch es ja scho gli sowiit :))) so schön!
gnüss das gfühl, die vorfreud! bisch dämfall nonig soo
ufgregt? s wetter isch ja au super so wies usgseht

lus, dämfall häsch aber glich no bitz öpis z mache ... mir
händ geschter no s treffe mitem videograf gha und hüt s
zweite treffe mitem pfarrer, bin ich gspannt ! euse fotograf
(vo dä gliche firma wie dä videograf) hät no gseit mer söllet
e prosecco fläsche und zwei gläser mitnäh, also mitbringe
lah, für s paarshooting oh mann! aber chan mer
no vorstelle dass das luschtigi bilder chöntet werde, vorallem
wenn mer t fläsche ufmachet

Guete Morge Fraue

Ich luege au mal wieder ine :P Bin zwar froh dasd hochziit verbi isch, aber mengmal au no chli truurig, drum bini nüm so viel da :)

Neu name
Also ich han mi nonig so guet dra gwöhnt.. Muess au no an recht vielne Stelle de Name go wechsle.. Lus isch no luschtig, ich bin vome A ufes W gsprunge ;)