ahaha genau himbeer... aber ebe, jede vo eus het ja au no ä Schlechtwetter-Variante im Kopf, das muess mär eifach ha bi so wechselhaftem Wetter... tragisch isches nöd, trotzdem positiv denke, denn luegt s Sünneli scho use :)
Hey han ich eu scho gseit das ich morn mis Kleid chan go hole?
hüt ihre wuche bini scho am frisiere oder schminke... läääääk bi ig itze nervös.. die letscht wuche mit mim aute name het agfange....
geschter abe heimer no hurti (mir si würklech schnäu gsi...) d gastgschänkli ipackt. itze isch das emu erldiget. itze muesi no d chartebox chli pimpe und d wägwiserschildli fürs apero aschribe. u am sunnti machemer d playliste fertig. vori hani no die letschte details mit dr fotografin greglet, isch super, öppis meh erlediget s chunnt gloub guet... hoffeni
ou lus, super händer das gmacht!!! gsehnd mega us ...
emma, und bisch scho nervös das dis chleid abhole chasch? :) mis hanget jetzt bi mine eltere sitem zischtig, aber probiers nüm azluege bis am 31.08. hihi ... muess es nur hüt mim papi no zeige, chund ebe vo dä ferie zrug ...
mädels, geschter hämer ja no dä zweit termin gha mitem pfarrer, wie macht eue trauuig eigentlich? wür mich no wundernäh ... und au mit dä lieder? euse häts so gseit, er wird a däm tag bitz vorher i dä chile si, wie au euse gospelchor und dänn direkt mit ihne churz aluege ... und au wärend dä zeremonie immer dä titel asäge, dass sie wüsset welles lied jetzt chund ... und bim ja säge sägemer eifach eimal JA aber er wird eus nöd awiese mit: dann antworten sie mit ja ... sondern seit schöni sache, bis mir dänn am schluss selber ja müend säge (also mer verstahts scho use) und er wird au nöd säge: nun können sie die braut küssen, sondern nachdem ich mim schatz dä ring agsteckt han chömer eus küsse hät er gseit :) isch es bi eu au so? er isch irgendwie voll speziell, aber mega cool und mer gebet ihm jetzt glaubs doch meh als 200.- hihihihi min schatz geschter au sofort gseit: was meinsch? tüemer bitz meh is kuvertli?
ja da wird am sunntig die magischi grenze vo 1 monet unterschritte, da bini au scho nervös, haha. es lauft zwar nöd schlecht hani s gfühl. bastled hani eigentlich alles denki, nur no zwei schilder hani welle mache. ich ha irgendwie die kaufti tafelfarb verhüehnered, aber die chunnt scho wieder füre. min papi hät no de oldtimer reserviert... und eusi gäst zahled flissig uf euses konto ih, so schön, hihi
Anmelden
