Guete Morge zäme

So jetzt mäud ech mech au aus verhüroteti Frou...
Mer hend gester eusi zivili Trouuig gha ond es esch wonderschön gseh...
De Ziitplan am Morge esch ned ganz so ufgange wie er hät selle aber egal...
De Brecht fougt aschliessend i mim Thread.

Wönsch euch aune es wonderschöns Weekend...

Ond Mona wonderschöni Flitterwoche...enjoy it...

Hey Canoa, so cool!
Ech fröi mi för dech, dasses so schön worde esch!
Ond iez gohts gaaar nömme lang ond de esch no die cherchlech Hosigs, wo secher bombastisch werd!!

guete morge Mädels wie gohts eu so?? hender es guets Weekend gha?

was neues bi eue vorbereitige?

a all brütlis wo das Weekend ghürote hend: alles liebi !!!!

be mer gohts no 5 täg :))

nicht registriert

Hallo valey.....
i bi scho extrem nervös. i ha zwar z gfüueu, i sigi ruhig, mi körper seit aber öppis anders...
vieu buchweh und schlächt, sturm, schwindlig, nid chönne schlaafe, härzchlopfe..... zum glück geits nid no wuchelang bis zum hochyzt

i verzeue doch mau vo mim power-samschtig woni ha gha

am morge bini zum coiffure ga färbe. ändlech keni wisse haar meh de bini hei, hurti duschet, öppis gässe u de hani scho zum brutmodegschäft müesse ga s chleid hole. bi sooo gspannt gsi, öbs de passt? Es isch eifach perfekt
ha de no müesse lehre wie loufe, brutstruss häbe, wie stäge loufe, wie ines outo istige.... u mer söu sech aso ke illusion mache, 2 sekunde nachdäm mer usem outo usgstige sigi, heigi ds chleid scho schwarzi ränder unde.....
defür heimeris itze no füre hochzytsball im oktober agmolde, wo ds brutmodegschäft duet organisiere.... de chani mis chleid nomau alegge
när bini heigsecklet, anders agleit u de isches scho los zu mim polterabe:
mir (6ni) si zur kollegin gfahre wos het organisiert. de hetsi dusse es u härzigs gedicht vorgläse. de het jedi kollegin ufenes porzellantäuer d wünsch für mi/üs müesse ufschribe, mir das vorläse und de z täuer verschlah. i ha ghüüület wine schlosshund, das isch so härzig gsi när hani mir säuber ou no es täuer müesse beschribe mit mine wünsch unds verschlah. natürlech ha i när aues säuber müesse zämewüsche när simer ufe zu ihre ga apero näh u da hetsimer gseit, mi bäri sigi entfüehrt worde..... de hetsimer vo mim lieblingsteddy vo früecher es föteli zeigt, mit gfesslete händli und eme band ums muul ha de müesse quiz übere gg und d kolleginne löse, damit i dr nöchst hiwis bechume. ha de emu när a bahnhof müesse und ufe zug für bärn. im zug hani es sms becho vom entfüehrer, i müessi zum schliessfach nr. 225. dete acho isch natürlech wit u breit ke schlüssu gsi. ha de so lang müesse d kolleginne usfrage, bis eini het dr schlüssu zückt im schliessfach isch de mi teddy gsi.... när simer ufe budesplatz ga fötele, is papajos ga ässe und de is gutgelaunt ga ds kafi näh. plötzlech steit e junge typ mit ere rose am tisch und fragt, wär de da d brut sigi.... de hani nadisnah wo wiudfrömde manne immer wider e rose becho... (d kollegin het die dete ufem herrewc mit eme kärtli deponiert gha...). natürlech hani mit aune flissig gföttelet när si 4 manne cho und hei mi und die einti wo gfötelet het ufene shot entfüehrt.... u i hasse so getränk! bi de aber tapfer gsi und mir heis uuu luschtig gha..... si de wider mit em zug hei und hei dr abe bi üs daheime la usklinge.... s isch genau so gsi wieni mer das gwünscht ha gha !!!

geschter simer de no zur schwigermueter und hei üses hochyztsgschänk becho... nei, leider ke wellnessguetschiin.. mir hei - üsem wunsch entsprächend - e huufe bargeld becho am nami hani de no d wägwiser für zum apero und d kartebox fertig baschtlet..

u itze hockeni ko im büro und warte ud f ferie

gnue vo mir... was heit dir schöns erläbt?

Hei Lus, din Polter-Abig tönt nacheme glungene Abig, schön isch es so gsi wie du dir das vorgstellt kah häsch... und schad händer kein Wellnessguetschie becho evtl. chönder oi ja eine chaufe mitem Bargeld wo ihr gschänkt becho händ?!? Nei Seich, schön hät dini SchwiMu oie Wunsch respektiert.

Ich bin momentan fliessig am Dankeschärtli schriebe und ha mal ahgfange es Fotialbum vom Zivile mache... gopf ich säg oi... gester bini fast fertig gsi (24i) und den stürz mer doch alles ab und weg isch s'Album. Guet fangemer halt namal vo vorne ah ha ja nüd besser z'tue

Gester hani na min Geburi gfieret und hüt hani frei, leider macht genau hüt s'Wetter nöd mit schad naja...

läck jetzt machts schwups und de August isch au scho wieder verbi....

hey lus coool :) tönt nachemene sehr glungene obe :))) freut mii

jaaa bi der sinds nur no 4 täg :)) soo schööön
es chunt Emmer nöcher und nöcher

i ha momentan chli d krise weli de ablaufplan gmacht ha
und es wird mega äng med de Zeit wel mer so vel gäng hend
und mini tz und bj hend was vorbereitet aber hed voll kei zit zwüschedureee
weis voll ned wie macheeee


LucyLu :) hoffe hesch di geburi schön chönne fire gester :D