| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Bräute 2013
 1 .. 1365 .. 2727 2728 2729 2730 2731 .. 3244 .. 3757
20.08.13 09:17
Emma13 

Re: Bräute 2013

Das isch ebe bitz mini Angst gsi, das ich denn geg de Schluss d Motivation verlüre, darum hani eigentli 1 Wuche vorher komplett Ruehe wele ha... hans irgendwie gschafft :)

Am Fritig staht nur no de Polterabig a und am Sunntig s letzte Trauzüge-Treff, denn chans vor mir us de 31. August werde :)
20.08.13 09:21
Canoa 

Re: Bräute 2013

Das esch doch perfekt, also ech mache au am Weekend alles Fertig ond ha de no ei Woche ruhe! =)

Weisch scho waser möched am Pouterobig?
20.08.13 09:24
sonne13 

Re: Bräute 2013

canoa, also gmäss mim neurodermitis-schub em momänt beni au nervös es fühlt sich eifach no ned so aa... frog mi wies denn isch wenn die nervosität usem underbewusstsii uftaucht und sich so richtig zeigt ech glaub de muessi of d methode "lus" zrogg griffe !
20.08.13 09:24
Emma13 

Re: Bräute 2013

Super, denn chömer di letschti Wuche in Ruhe agah :)

Nei, kei Ahnig, weiss nume dass mär im Papa Joe's in Züri gönd go esse und denn in Usgang, alles anderi isch offe. Han aber explizit gseit gah das ich nüd wilds möchti, eifach en luschtige Usgang Abig :)
20.08.13 09:25
Canoa 

Re: Bräute 2013

be mer spöut eifach de Mage komplet verrockt...
aber das esch be mer emmer so weni Stress ha oder nävös be.

Hoffe dass sech de Schub be der gli weder leid...damets dech de ned no stört am HZ
20.08.13 09:27
Emma13 

Re: Bräute 2013

Gaht mir ähnlich Sonne, fühl mi eigentli nöd nervös.. aber merke das min Körper s Zeiche eigentli dure gitt... unruhigi Nächt, kei Appetit, Herzklopfe... ich glaub das sind klari Zeiche, wett mär nöd vorstelle wie's ein Tag vorher usgseht...
20.08.13 09:29
sonne13 

Re: Bräute 2013

canoa, störe wirds uf jede fall, dänki... versuech mi demit abzfinde. ech ha am sonntig no mis probemakeup, hoffe sie schaffts das ganze chli z tarne, emu das im gsicht... und de räscht isch halt wies isch, das be haut ech gäge s jucke gids tablettli, die möched eifach müed und mit alk sicher ned die ideali kombination. versueche drom druuf z verzichte, aber wenns mi zfesch ploged de wirfi so eis ii, das wird mer d freud hoffentli ned verdärbe

20.08.13 09:31
Canoa 

Re: Bräute 2013

Emma jo genau das send au mini Azeiche...
Mini Arbetskollegin wo vor drü Woche ghürote hed hed mer gseid sie seg am Tag vom HZ am Morge uf go jogge damet sie hed chönne abefahre...
20.08.13 09:33
sonne13 

Re: Bräute 2013

Emma13:
Gaht mir ähnlich Sonne, fühl mi eigentli nöd nervös.. aber merke das min Körper s Zeiche eigentli dure gitt... unruhigi Nächt, kei Appetit, Herzklopfe... ich glaub das sind klari Zeiche, wett mär nöd vorstelle wie's ein Tag vorher usgseht...

unruhigi nächt - jetzt wos seisch! ich ha die letschte beide nächt sehr schlächt gschlofe, grümpel zäme träumt dass nömm schön esch... ech ha dänkt es seig wägem vollmond! also wenn das wägem hochziit esch und jetzt scho aafoht, denn bini bis zu eusem tag es wrack

20.08.13 09:35
Emma13 

Re: Bräute 2013

Ja, ich glaub da müemmer eifach dure... mir macht halt am meiste s inelaufe ide Chile buchweh... alles anderi gsehn ich als Fest, zum fiire und's luschtig ha, aber de Moment ide Chile, wenn alli uf mich lueget, das laht mi würkli bibere... kei Ahnig wieso???!

 1 .. 1365 .. 2727 2728 2729 2730 2731 .. 3244 .. 3757
schaffe   vorallem   Kollegin   einfach   richtig   Hochzit   Zeremonie   eigentlich   irgendwie   gspannt   wirklich   natürli   schnell   himbeer   natürlich   langsam   bearbeitet   Zuletzt   Problem   eigentli