nicht registriert

uhuuu i mäude mi nume hurti:

danke vieu mau für die liebe Glückwunsch!!
i bi mi tag aso mit putze, wösche und zwägmache für morn und am friti am gniesse
itze chunnt de no grad e kollegin wo chunnt cho luege wägem tanze hei vori fange bitzli güebt u mi gg het natürlech nume umeblöödelet - ich ahne böses aber vo mim gg hets gheisse, i müess hinech am 7ni parat stah... irgendwie isch öppis planet

mir si itze mit auem fertig wos hochzyt betrifft. morn muesi nume no ga d negu mache und am nami no die räschtleche sache zämepacke woni mues mitnäh. u de legi am nami no hurti e power-wellness-stund iii

d närvosität wachs - unufhaltsam... übermornm um die zyt bini scho ghürate! wahnsinn!
i wünsche aune mitbrütlis und samschtigbrütlis e wunderschöne tag - gniessets!

da i mi bir trouzügin zwägmache u de dete abgholt wirde heimer scho chli gluegt wägem chleid alegge. bir normale hustür chani nid use wüu die när e uu ändi stäge abegeit wo rächts und links e muur isch vo chli moos dranne het - nid ideal mit em chleid. itze muesi unde use - sprich: i mues vor Stube e WÄNDUTRÄPPE abe für zur Türe.... Allmächtiger steh mir bei

häbets aui guet u gniessets!!!

Guete Morge Zäme

Ich bi au wieder mol schnäll do inne. Sorry ha überhaupt ned nochegläse was alles so gange esch.

Allne früsch Verhürotete gratulier ich und wünsch euch alles Gueti ! Allne wo jetzt denn dra sind: Gnüssed euchi Hochzyyt in volle Züüg und händ e wunderschöne Tag, bi scho megaa gspannt uf all euri Bricht .

Schnäll e chlini Frog: bi grad no am de Tischplan mache zum denn ufstelle, jetzt ganz doof gfrogt, i welere Reihefolg tuet me d Lüüt det eigentli druf? Pärli/Familiewyys zäme oder eifach alphabetisch? Sorry ich weiss es esch es unwichtigs Detail.

nicht registriert

*hibbel hibbel hibbel hibbel hibbel hibbel hibbel hibbel hibbel*
I mues gloub d Dosis vo mine Wundertröpfli erhöhe - oder i trinke grad ab dr Fläsche

Geschter simer no i das Resti womer de ds Apero hei ga ässe am Abe. S isch für d Nervosität natürlech nid grad förderlech, wenn weisch, dass i 2 Tag scho wider dete bisch

i freue mi waahnsinnig uf üse Tag u glich, es wird de ou schön si, ufene wunderschöne tag zrugg z luege und wider zyt ha für anders

so, i mues los ga d negu mache (so wie i mi kenne bricht eh eine bis morn ab..... )
tschüssli

Mooorge mitenand

Ich bin au no da... au bitzli am hibble und no di letzte Sache koordiniere

Luuuus viiiiiel Spass freu mich sehr für dich :)

Während ihr morn am fäschte sind, hend mir euse Polterabig mir hend eus jetz für en gmeinsame Abig entschiede und ich freu mich mega druf, mir sind sooo jung zämecho, dass mir eigentli praktisch nur gmeinsami Kollege / Kollegepäärli hend, denn isches so viel eifacher und ich freu mich umso meh au mit min Schatz chöne fiire