ui rebella... zanket ehr euch denn weg de hochzitsvorbereitige?

Ohje Rebella, das tuet mär u Leid... wieso striteter denn, wäg de Hochziit?

Mir hend au chli stressigeri Moment gah, wo halt jede wett vorwärts mache und niemert sich würkli die Ziit nimmt, wichtig isch eifach dass mär das ganze zäme agaht, isch Schad wenn mär drum d Freud drah verlürt... Schliessli isch s wichtigsti dass mär ab denn Ma und Frau isch, es isch es Fest, en Grund zum fiire und zum's lustig ha, alli Details drum und drah spielet eigenlti gar kei grossi Rolle.

Ich wünsch dir das sich alles bitz leit und dass dini Motivation und Freud wieder ufchunt, Kopf hoch!

De Hauptgrund esch ebe, dass ich so voll dämmlich gsi bin und dänkt han. Ich sig jetzt an erster Stell und er halt au mal uf irgend en Füürwehr Mist verzichtet.
Aber so naiv chan ja nume ich sie.

Tja, mal luege, wenn ich jetzt wieder Lust han, zum die pendente Sache a luege. Wird sicher nächst Wuche.
Will hüt Obe chunt mini TZ, morn gömer mis Chleid vo de Schniideri go hole und am Obe han i Polterobe. Und am Sunntig, dänki dass ich nöd würkli fit wird si.
Und mini einzig Priorität am Sunntig wird am 16.00 de Fuessball Matsch si, woni am TV luege.
Will ich han jetzt au anderi Prioritäte als Hochziit.

@Anyany: Danke für dini liebe Wort.
Klar, söll er sini Hobbys bhalte.

Aber ich weiss, definitiv nüm, was für ihn wichtiger esch.
D`Füürwehr oder ich. Und mit dem hani halt, au will ich halt echli id Zuekunft luege, verdammt müeh. Will ich nöd weiss, öb ich dänn i gwüsse Situatione uf ihn chan zähle. Will en Maa wo alles stah und liege laht, nume weg de Füürwehr, findi nöd so toll. Vor allem wemer mal Chind hättend.
Glaub mer`s, han scho gnueg erlebt weg de Füürwehr.

Will mis einzige Ziel isch gsi, dass mir zämme s`Hochziit uf d`Bei stellend.
Aber will er kai Intresse zeigt, han ich mir jetzt halt gseit, Scheiss drauf. Han au bessers z` tue.

Han halt en sturre Grind. Und de chunt er jetzt halt z` gspüre über.

oh rebella... mim frönd sini erst prirität esch ganz secher au ned d hochzit! am afang het mi das sehr gstört, ebe au weli denkt ha das sell doch au wechtig si för ehn... ond ha de denkt, jo wenn ehm d hochzit ned wechtig esch benis ehm au ned. das esch natürli totel chäs... i ha de wörkli agfange alles selber zmache oder met minere tz und ehn eifach no bi Sache ibezoge wo ehn au interessiere... jez stört mi das eigentli nöm so.. er esch halt en maa ond ehme sch deko egal.. esch jo eigentli au schön so hani frei Hand. mi frönd seit Emmer, ehm sigs wechtig DAS mer hürote ned WIE mer hürote..
ond das du s gfüehl hesch d führwehr chont vor der.. das gfüehl kenni au es bezeli.. mi frönd lebt för sin Job! eifach nor well er sehr pflichtbewosst ech ond ned cha nei sege... ond de muess er halt amigs au lang schaffe. ond de denki amigs scho... hmmm wet er jez zobe ned lieber bimer si.... aber i ha gleert ehn zverstoh... er weiss dass i verstendniss deför ha und da er scho gnueh stress em Job het wetti dass er nacheten gern zomer hai chont ond ned dass er s gfüehl het dehai geht's no eis ofe deckel. i chamer guet vorstelle dass doch bi dim GG das met de führwehr ähnlich esch. er het doch eifach es grosses pflichtbewusst si und wet sini kollege ned lo hange... met minere TZ hanis neuli devo gha und si het gseit, si donkts mengisch as chönte d Männer eifach schlecht eri liebi bzw ziit ufteile. ond das het absolut öpis... er weiss das sini führwer kolege wörde domm due wenner ned wörd cho. ond er weiss dass du ned domm duesch wenner goht. aso entscheidet er sech för den weg des geringsten wiederstandes. weisch wini meine?
aber glaub mer wenn wörkli öpis wer chöntsch di doch 100% of ehn verloh! er het dech doch au gfrogt ob er wend hürote! wenn er ned Emmer wörd welle för dech do si de hetti er di nie gfrogt!!!
glaub mer rebella das chunt alles guet! die vorbereitigszit esch me mengisch au sehr empflich (emo mer gohts so) i nemme mer mengi Sache zfest z herze eifach nor well alels sehr emozional esch und ebe well me halt gstresst esch...
und du besch secher ned di einzig wo ned alles friede Freude Eierkuchen esch!!! mer chöne jo ehrlich si zeme... jedes paar het mengisch riberei....! es geht mengisch so Phase wos halt schwerig esch d sorge und de stress ned am Partner uszloh! aber das ned nor Phase und die gönd weder verbi!!!

@Elea und Emma: Merci vielmol für euchi ufmunternde Wort.

Ich glaube er het die grösser Höhl diheime weg de Füürwehr vo mir, als vo sine Füürwehr Kollege. Bi eifach sehr desintressiert wenns um das Thema gaht. Weiss nöd öb er` s scho gschnallt het, dass d` Füürwehr bi mir en Lust Killer esch. Nach de Füürwehr git` s definitiv kai Sex amigs.

Er het vo sich us gseit, er will mitrede. Es gaht nöd um Deko und so chlini Sache. Will Deko und so Chrimmsch / Chrammsch, sind au nöd mis Ding.

Es esch um wichtigi Sache gange, wie zum Bispiel d` Liederuswahl ide Chile.

Klar, jetzt sind` s halt no chlini Sache zum Bespreche, wie Hochziitstanz, öb er en Red an Gäst wott mache etc.

Es het ja ihn die Wuche nöd emol intressiert. Wo ich ihn gfragt han.

Tja, mich intressierts jetzt das Weekend sicher au nüm.