Ich muss zum Glück au kei Unbezahlt näh, ha na 7 Wuche Ferie für das Jahr! Nimme also 5 Wuche fürd Flittis und eini bliebi den na de Heime und den hani na eini vorig woni chan is 2014 näh. Ha ebä letzt Jahr s'Jubiläum kah und 2 Wuche gschänkt becho und mir händ sowieso 5 Wuche Ferie plus hani vom 2012 na eini uf das Jahr gno, ha also total 8 Wuche Ferie fürs 2013 und ha aber alles ufgspart. Im Mai hani mal es Wücheli gno kah. Jetzt bini total dure und freui mi extrem. Min Schatz muss leider sicher 3 Wuche UB näh :-(

Wow nöd schlecht mit soviel Ferie! Isch halt scho sehr gäbig eso... aber isch klar, irgendwenn schluchts eim scho wenn mär scho länger kei gah het und alles ufgspart het...

Ich bin jetz halt alles am ufspare, demit ich nüd uf unbezahlt muess neh und eini is nöchste Jahr chan übereneh, da mir ja im Dez/Jan gönd, muessi nur eini im Januar abgeh anstatt 2,5... isch scho no guet. Ich han ebe Total nur 4 Wuche, das macht s Ganze bitz komplizierter... Min Maa het defür Total 5 plus alli Überstunde wo er uf Gleitziit chan neh, so het er immer alli Brugge automatisch und sogar zwei Wuche über Wiehnacht/Neujahr gschänkt... tja, so schön möcht ichs au ha

Zuletzt bearbeitet am 09.09.13 10:12

ihihi bisch also scho ä glücklichi...

Ich bin leider am schaffe... und min Maa isch au dihei wegem Knabeschüsse zzzzz ich merke ich mach glaubs öpis falsch

Gnüsses au für mich!

oh valey, du bisch zrugg!!!! schön!!!!!!!!!!! wie isches gsii???

do lauft nümm so viel, sind jo die meischte scho verhürotet! be mer ischs die wuche sowiit! hoffentli wird s wätter bis am friitig wieder guet!
nervös bini noni, aber am umechränkele. super timing... bi süscht nie chrank, und jetzt hani e dummi birre und halsweh... aber solangs ned schlimmer wird... hoffe es isch denn eifach bis am friitig wäg, so wetti eigentli ned müesse hürote

viel neus gids nümm, isch alles parat, es cha losgoh

Morge Zäme bi au nochli do inne am umeschwirre. Lauft wörkli nüm viel i dem Tread, schaaad aber händs halt scho fast alli dure jetzt.

Hei Valey cool dass dir schöni Ferie gha händ wo sind ehr gsi ?

@Sonne: wünsche dir ganz gueti Besserig, sone Kack hei Murphys Gesetz lässt grüssen . Was s Wätter agoht beni sehr positiv gstimmt dass das gäge s Wucheändi wieder guet wird, s wird sicher schön wärde . Hürote jo au am Samstig (zivil) und fänds au toll wenns ned wörd schiffe .

@me: ha gester no gmerkt dasi im Tischplan e Schribfehler bimene Name ha, jetzt muesi das hüt no versueche flicke. Sust wär alles parat. Verwütsche ei Abieter nie wo öpis am Obe für mi GG söt cho performe, hoffe eifach das klappet denn. Ansonste wär alles ok. Mi GG het Polterwocheändi gha und ich weiss ned, ich glaube mini Närve ligge eifach fang blank, er chunt mir voll andersch ine sit er zrugg esch. Esch doof zum erkläre, weiss au ned, chunt mir eifach mega distanziert vor...... .

Zuletzt bearbeitet am 09.09.13 11:24