Jo das het scho öpis, ev. het er das wörkli gseit zum sich vor de andere Männer ned "z blamiere", aber es het mi glich megaaa troffe. Mir händ die letschte Mönet au rächt oft über das gredet will mir grad i de Family chli so Züüg händ wo schief gloffe esch und das het eus beidne rächt Angst gmacht. Allwäg reagier ich wäge dem so heftig druf, will er au genau weiss dass das für mich es mega heikels Thema esch und jetzt hani quasi s Gfühl super ich hürote e Maa wo eigentli gar ned 100% wot.

wenn er nöd würd welle, denn würd ers au nöd mache. ich denk so schnell laht sich kein mah "überrede" zum hürate... ich denk au, er häts sicher so gseit will doch unter de manne eh immer so dummi sprüch falled und er sich chli cool hät welle anestelle.

Okay, de wärs vellecht iez no grad dopplet schwerig. So Schwangerschafte chöne schiinbar ganz schön luunisch mache. :D

Ech gloube ou, dass der öich iez e chli vöu Stress möchid. So lang der iez ned im Dauer-Streit send, esch jo aues guet. Ond hey, mer cha absolut NIE wösse, öbs het... Wennd dänksch... I x Johr wärde nome no d Höufti vo dene wo iez do im Forum gschrebe hend, ghürote sii... Esch eifach so. Aber ou gnau so vöu wärde no emmer ghürote si ond hoffentli sogar glöcklech.
Ech dänke eifach, dassmer sehr sehr ehrlech zo sech säuber muess si ond dasses schöscht ned cha guet cho. Aber dass mer mou e Sproch useloht, vor auem aus Mah, ghört eifach dezue.

Merci vilmol Sonne, jo s esch ächt grad zemli beschisse im Momänt. Vorallem hanis sit gester x mol versuecht azspräche aber ich glaube s goht ehm eifach nur no ufe Wecker und er het nur immer gseit es sigi alles guet ich bildi mir öpis i. Weiss au ned, bi halt öper wo meegaaaa uf die eigeti Intuition lost und i de Regel esch das au immer s Richtige...

Wirds aber sicher nomol versueche aspräche au wenns ehn närvt, ich cha mir jetzt grad überhaupt ned vorstelle wie ich mit somene Grundgfühl söt vore Altar trätte .