Jo Anyany das muesi wörkli nomol aspräche, hoffe mir finde mol chli Zyyt zum das richtig kläre und dass er das Entnärvte cha abstelle .

Ich ha eifach mega fest s Gfühl das öpis ned stimmt, dass sich a dem Wucheändi öpis gänderet het aber weiss ned rächt was. Glaube ned dass e anderi Frau im Spiel wär oder eso aber s esch eifach öpis andersch zwüsche eus, und dass er mir sit gester nur immer seit ich bidli mir nur öpis ii und si Rästalkoholpegel immer als Grund nimmt (au hüt no) verunsicheret mi mega.

Zuletzt bearbeitet am 09.09.13 13:53

Liebi Eve, ich verstah Dich so guet und ich chan mir au vorstelle was du mit dim Gfühl Mensch. Aber wie jetzt da scho paar gschriebe händ, d'Manne sind halt eifach so und he, ich glaub das isch sicherlich au sini Nervösität wo sich da blicke lah, isch amel bi mim Maa so gsi. Bi ois isch d'Wuche vorher sowieso komischi STimmig gsi, d'Nerve sind blank glege, Nervosität und eifach d'Ungeduld händ a oisne Nerve zerrt, händ na Striet kah und und und... Aber heee, es isch trotz allem en wunderschöne unvergessliche Tag gsi.

Ich wür entdweder namal mit dim GG rede, und zwar musch ihm säge du würsch gern ernst mit ihm rede und wüsse was los isch. Ob er nervös isch oder ob öpis nöd stimmt? Du müssisch das wüsse, will eifach nur Ihbilde tuesch Dir das sicherlich nöd... Es bruch sicherlich nerve und Geduld aber schlussendlich gahts Dir nachher den hoffentlich besser.

Manne rede halt würklich nöd gern. Mine isch z.B. viiiiel offener wenn mir amigs zäme tünd whats app schriebe. letzti Schriebt er so: er wünschi sich sehr gern Chind mit mir! Paffff bini gsi, so dütlich hät er das na nie gseit. Denn hani gfragt ob alles okay isch? Seg grad Sprachlos und den er so, ja weisch Schatz, er heg halt eifach mega Respekt und ob er das vermögi ä Familie ernähre etc etc. Es isch uuuuh herzig gsi und er isch na nie so offe zum dem Thema Chind gsi, er heg sich nöd getraut mir das so säge (wohlbemerkt mir sind scho fast 11 Jahr zähme). Uf jedefall tueds amigs guet ois enand d'Sache schriebe, weiss au nöd, so chan jede das säge was er wot und niemed red dri etc. Evtl. chasch dim GG sust es Briefli schriebe oder so?

Druck Dich durch's WWW

Sehr gern gscheh... Weisch was? Mir händ sogar am HZ-Tag SELBER na ois mal ahgmötzlet... Es isch eifach so. Au mini Kollegin hät mer letzti verletzt das sie am Shooting ihrem Maa dävo glofe seg will er sie gnervt heg (also Meinigsverschiedeheite), du gsehsch, es muss nöd alles Friede Freude Eierkuchen sih, schliesslich simer normali Mensche und d'Emotione, d'Nerve etc. spielet det halt eifach ä grossi Rolle und den chas mal knatsch gäh, hoffe chan dir so ächli chöne de Druck wegjäh. Aber ich weis scho was Du meinsch, all lueget dich ah und erwartet das Glücklich bisch (was mer ja au isch) und nur am strahle isch und das setzt eim enorm unter Druck. Aber liebi Eve, a dem Tag bisch eifach so wiet bisch und es gaht alles sowieso so automatisch du chasch gar nöd viel überlege mer funktioniert eifach.

Toi toi tio mit em Gspröch, chunnt guet!

Gell, mega sweet was er gschriebe kah hät, ha det grad es Tränli im Aug kah ha das soooooo herzig gfunde vo ihm. Ja und ich chan da d'Manne au voll und ganz verstah, es isch nunmal au ä Finazieli Belastig es Chind ha aber ha den min Schatz chöne beruhige, ich wird ja trotzdem, wenn's gah nachli wieter schaffe wenn mer mal Chind händ (so 40%)..

Mmmhhh... ja das isch doch wenigsten scho mal ä Antwort. Er chan ja mal nachem HZ ä Männerwuche mache wenns so cool gsi isch am Weekend... und so isch es halt, alles schöni ganz viel z'schnell verbi. Viellicht isch ihm au bewusst gworde das es halt scho bald sowiet isch mitem Hürate...

also min Maa hät sich ja am Vorabig (!) na d'Kappe geh... oh Gott... zum Glück hani das erst vo churzem erfahre, has mer zwar denkt kah will mir händ na telefoniert (händ trennt gschlafe) und er isch ziemlich ufdreit gsi und das isch meistens wenn Alk im spiel isch. Ich säg dir, ich ha mich det sooo müsse zämerisse aber ich ha ned wellä striete, zum Glück hämer trennt gschlafe Hamen den gseit zum Glück häsch kein Kater kah, ich glaub ich wüsst nöd wie ich reagiert het a dem Tag wenns so gsi wär...

Guete Morge Zäme

Ha nur schnäll welle säge dass ich das Ganze gester mit mim GG ha chöne kläre und sowit jetzt alles ok esch. Zämegfasst cha me säge es esch wohl e Mischig gsi us komischem Verhalte vo mim GG will er tatsächlich am Sonntig no rächt eine käppelet gha het und chli chalte Füess und mine Närve wo eifach am abstarte sind. Hüt chanis scho wieder easier nä. Ich glaube eifach mir sind beide mega agspannt im Momänt und wette jetzt mol dass es los goht. Glaube nach de zivile Trauiig wirds denn hoffentlich chli besser mit mine Närve .

Danke euch vilmol fürs "Zuelose" und Rotschläg gä das het mir gester ächt mega viel gholfe !

huhuu be au no do :))