Ja, also ich han sowieso bi allne no d Kopie vode Ehebeschinigung mitgschickt... het eigentli überall glanget... also d Handy-Rechnig chunt mitem neue Name :)

ich ha au scho briefe vorbereitet und wott das nach möglichkeit grad am sunntig nach de hochzit erledige, denn isch offentlich nach de flittis de grossteil scho apasst.

Hallo ma84ma

Uiii, scho vier Mönet verhüratet? Bi mir sind's zwar au scho 2 Mönet, krass wie die Ziit vergaht. Mir sind momentan fliessig dra d'Flittis plane wo am 1.11 los gönd. Hoffe für oi das ihr au mal na es Reisli chönnt mache. Und s'Hochziitalbum bini au am gestallte, sust isch HZ TEchnisch alles erledigt.

Wege de Dankescharte, also normalerwies laht mer die so 2-3 Mönet nach em Hochziit use, ich persönlich find 6 Mönet sehr spat. Mir händ oisi 1,5 Monet nach oisem HZ uselah aber so spötistens 3 Mönet nachem HZ findi grad na okay. Ha bis jetzt immer all Dankeschärtli i dem Rahme becho. Ich has au schnell wellä mache will ich mich unbedingt ha wellä mitem Dankeschärtli bi de Gäst für die Grosszügige Gschänk bedanke und gfunde ha das söt scho bald nachem HZ passiere...

Grüessli

Zuletzt bearbeitet am 10.09.13 21:46

Hoi LucyLu

Ja dasch wahnsinnig wie die Zit vergeit...
Merci för di imput..mer hei die nöchschte 2 Wuche Ferie, de düemer üser Dankeschärtli sicherlich mau bsteue...wett aber jedem e persönlichi wittmig inneschriebe..drum wird eue de glich spöter...

@Namensänderig: Ab und zue chunnt no es Briefli ufe aut Name..aber ergendeinisch klappet de das scho...
U so langsam gwanni mi o a mi neui Name...

Grüessli

Hallo zäme

Mir sind eus au scho Gedanke am mache weg de Dankeskärtli, ich möchte die eigentli so schnell wie möglich verschicke, gaht mär glich wie dir LucyLu, möchte mich zimli bald für di viele grosszügige Gschenk bedanke und sobald mär d Föteli vom Fotograf überchömet möchti eigentli mite Gstaltig afange, de allgemeini Text hani scho, mir werdet aber au no öpis persönlichs drischriebe...

Wo hend ihr d Dankeskärtli mache lah? Han gseh dass uf de Manor Siite no schöni Layouts zur Verfüegig stönd...

Guten Morgen, Mädels!

@Dankeskarten
Wir haben unsere ja zusammen mit den Einladungskarten bestellt! Die einladungskarten müssen wir neu machen, aber die Dankeskarten können wir aufheben!