jaa, es isch wüki wunderschön gsi, aber wie immer bi schöne sache
viiiiel z schnell ume gange... aber wenigstens hämer no chli summer
gha hihi

häsch recht, hans mer fescht vorgnoh :) wird die wuche no erledigt,
dänn wirdi au uh froh si!

wie machet ihrs eigentlich mitem bruutchleid, händers scho id reinigung
bracht? mis gseht schlimm us nachem hochziit simer no mit
eusne kollege an see und ich bin ohni schuhe umenand gloffe, chönd
eu ja vorstelle

ah das isch e gueti idee emma hihi so freueter eu nomeh und chunds
jede tag es stückli nöcher! wo ane gahts dänn? wirsch gseh, die 3 mt
werdet sooo schnell ume gah !

Mis Chleid lit emmer no ufem Stuhle, ha äbe t Hänkle abgschnette gha ond setem no ned agnäit zum ufhänke...setii no mache...darum neiii has no ned loh reinige...be äbe sowiso no hin und här gresse wet no es Shooting...höt bechömemer äntlech eusi Föteli....

ohhh mauritus soooo schön und Dubai...wow...

Ech tue zerst nochli t Prise vergliche wäge de Reinigung =)

Jo genau mer gönd au uf Down under...muess denn no paar Sache go poste, wie Reisekoffere etc. aber zerst mou nochli mech weder gfende...

Jo das gloubi Lilly dasses super gseh esch...

Lilly hesch eigentlech au scho paar Föteli? =)

Ich warte au sehnlichst ufd Fotene vom Fotograf... wür eigentli au gern mal alüte, wett aber nöd ungeduldig würke... aber rechne scho mit ca. 3 Wuche...

Wow Canoa scho hüüütttt... muesch denn unbedingt paar zeige :)

Eifach schön Canoa, danke viel mal!!! :)

Ja du hesch sie wenigstens scho... mir hend am gliche Tag ghürate und ich han no gar nüd ghört... Meinsch müessti doch mal nahfröge?