danke eve, du bisch en schatz! es isch total komisch, ich ha mi so gfreut gliich z heisse wie mine maa, aber jetzt heds mi fascht umghaue! bestimmt muessi mi eifach draa gwöhne... die reaktion hed mi eifach irgendwie erschreckt... ich chönnt eifach loshüüle... aber stimmt scho, ha jetzt so mängs johr mit mim alte name gläbt, denn ischs jo logisch dass mer ned vo einer stund uf die ander umprogrammiert isch...

Jo weisch ich glaube wörkli die Umstellig unterschätzt me extrem. Weiss ned, hesch di vorhär chli demet usenand gsetzt oder eher gar ned es komisches Gfühl gha? Bi mir eschs ebe z.B. so gsi dass ich vorhär ächt extreeeem Müeh gha ha bi dere Vorstellig eifach mi Name abzgä au weni gwüsst ha dass ich wet glich heisse wie mi Maa. Am Tag vor eusere Hochzyyt beni no mega truurig gsi dewäge und ha mir die schlimmste Gfühl wo das bi mir wird uslöse usgmolt. Wo's denn sowit gsi esch hanis lustigerwyys gar ned so schlimm empfunde wie ich mirs immer vorgstellt ha, eifach meeegaaa ungwohnt aber ganz ok.

Ich glaube dur das ich mi sehr lang so fest mit dem usenand gsetzt ha vorhär hets mi denn eigentli "positiv" überrascht und ich ha mirs viiieeel "schlimmer" vorgstellt. Velecht hets di au so chalt verwütscht willd vorhär ned so e Kriese gha hesch? Oder velecht esch es au no en Art Nachtruur wo dezue chunt dass alles verbii esch, d Aspannig entladet sich etc. etc.

Eve777:

---

Jo weisch ich glaube wörkli die Umstellig unterschätzt me extrem. Weiss ned, hesch di vorhär chli demet usenand gsetzt oder eher gar ned es komisches Gfühl gha? Bi mir eschs ebe z.B. so gsi dass ich vorhär ächt extreeeem Müeh gha ha bi dere Vorstellig eifach mi Name abzgä au weni gwüsst ha dass ich wet glich heisse wie mi Maa. Am Tag vor eusere Hochzyyt beni no mega truurig gsi dewäge und ha mir die schlimmste Gfühl wo das bi mir wird uslöse usgmolt. Wo's denn sowit gsi esch hanis lustigerwyys gar ned so schlimm empfunde wie ich mirs immer vorgstellt ha, eifach meeegaaa ungwohnt aber ganz ok.

Ich glaube dur das ich mi sehr lang so fest mit dem usenand gsetzt ha vorhär hets mi denn eigentli "positiv" überrascht und ich ha mirs viiieeel "schlimmer" vorgstellt. Velecht hets di au so chalt verwütscht willd vorhär ned so e Kriese gha hesch? Oder velecht esch es au no en Art Nachtruur wo dezue chunt dass alles verbii esch, d Aspannig entladet sich etc. etc.

hahalily, de eve eschs genau glich gange! au ewigs lang ned nervös ond de em standesamt hets ine ghaue :)

sonne, d eve het voll und ganzrecht, es esch scho en rechte identitätsverluscht. paar nemet das voll locker ond anderi hend do meh müeh. letscht woche hend d eve ond i au bez weg dem thema gschrebe. und es schiint fascht es bez es tabu thema zsi. d lüt verstönd das fascht ned wenn me seit me truret sim alte name bez noche. de heisst grad "was freusch di denn ned ofs hürote" doch, aber das het jo nüt met dem ztue... me verlührt en teil vom name ond das esch ned eifach.... me muess au zersch mol lehre sech met em neue name zidentifiziere. mer helft zb wenni gseh wie freud mi gg het wenn mer öper frau xy seit.