Ohh elea das sind SUPER News, zum Glück...

natürli, schicks grad.. :)

juhu danke emma...
jo be recht erliechteret, hoffe eifach ha ned e roti nase am samschtig :)
gester hani es rechts es tüüf gha. ha met minere allerliebste cousine gredet und si het gseit ere sohn het ongeentzöndg ond wenns bes am samshtig ned besser werd cha ere ma ned ad hochzit cho. ha absolut verständnis deför, esch wechtig dass de chlii wenner chrank esch sin papi bisech het, aber es wer so schad wenner ned debi wer, mer hend ehn so gern. ooond de hetmer no d floristin aglüte ond gsiet si bechont ke grüeni öpfel, ob gelbi au ok send. de hani gsiet, nei eigentli ned, well eusi ganz deko sig grüen. de het si gfrogt ob chürbis oke sind, de hani gseit nei au ned, well mer hedn zb bide gastgschänk au öpfel drin, dawörd ned passe... i ha de nöm möge störme ond ha gsiet i sell luege, i gseh jo de wis esch. ha de grad es chlises kriseli gha, eifahc nor weli chrank gsi be, me absolut scheisse gfüehl ha, deko ned so werd si wie besproche ond well ebe ei gast eventuel ned werd cho. alles eigentli ke drame, aber ebe wishalt so esch hani grad chlimüsse öberreagiere ond krisele denke da bruchts doch eifach es paar täg vor de hochzit... jez denki nomneo, wenni gsond ond fit be am samschtig esch guet, de rest chont wis muess... :)
sorry nomol sone domme ego post vo mer...

eve wie gohts de nerve? ;)

Jööö viele danke elea, so herzig!!! Das isch es riese Kompliment

Ich verstahn din Frust... isch mir paar Täg vorher genauso gange, bin zwar nöd chrank gsi, aber d Nerve het trotzdem verruckt gspielt... ghört halt bitzli dezue...

Hoffe würki ganz fest dass de Chli wieder gsund wird, klar muess öper bi ihm si, aber wenns eu so am Herze liit isches würkli Schad wenns nöd alli mitenand chöntet debi si..

Und wäg de Öpfel.. isch das so, dasses im Moment kei grüeni het? Chan ja fast nöd si.. bin mär fast sicher das ich welchi gseh han am Mäntig bim poschte...

Lueg du jetz eifach dass wieder gsund wirsch, mit oder ohni roti Nase spielt kei Rolle, Hauptsach bisch fit und chasch eue Tag i vollste Züüg gnüsse, rueh dich us und lueg der guet :)

Ja das stimmt... schlussendli weisses ja niemert, darum wird's au niemert bemerke, aber also bitte... grüeni Öpfel bsorge sött doch für die Frau nüd komplizierts si... isch jetz halt au blöd dass chrank dihei liisch, aber lueg, s wird sicher alles wunderschön, am Schluss sinds ja nur Details..

Jaja, au ich han kriselet, am Tag vorher, am Fritig, simmer no wie di pickte umenand gfahre zum di letschte Sache is Resti bringe, d Turte hole etc... ufem Rückweg (mite Turte im Kofferruum) hani fast ä Vollbrems müesse mache will ich so im Züg ine gsi bin und han nöd gmerkt dass de vor mir bremset het... Min Maa het mi denn nur agluegt und gseit "jöö bisch nervös Schatz, jetz fahr ich" und han nur no brüelt... zum Glück het er mich verstande, hans gar nöd chöne erkläre, aber irgendwie bini eifach fix und fertig gsi... :)

PS: mite Turte isch zum Glück nüd passiert, d Dekoblüemli sind abegheit, aber die hemmer problemlos wieder chöne druf tue :)

Ja, s isch würkli genauso... wobii im Nachhinein muessi säge, s het alles soo riebigslos funktioniert (vorallem dank eusne TZ) das ich mir unnötigi Gedanke und Druck gmacht han, isch wohl bi allne so, d Lüüt rundume lueget scho dass alles klappet, s Brutpaar sött ja adem Tag eigentli nüd anders mache als gnüsse und ich bin mir sicher dass dini TZ da au sicher es Äugli wird drufwerfe, loslah isch s wichtigst, de Tag gaht nämli so schnell verbi dases würkil Schad wär sich de Kopf über d Details z'zerbreche :)

für alli interessierte, glangwiilte...

de sonne ihre hochziitsbricht:
Vorab: de bricht isch rächt kürzt und doch no lang. Es isch so e wunderschöne, unvergässliche tag gsii, das alles in wort z fasse isch unheimlich schwer. Ich hoffe dass ich die emotione aber ewig cha i mim härze bhalte, denn was mir erläbt hend isch wirklich sehr bewegend, berührend und tiefgehend gsii…
Wie alli hend mir natürli chli bibberet wägem wätter, aber de petrus hed do guet für eus gsorgt. Mi gg und ich hend sehr guet gschlofe und sind denn am morge am siebni ufgstande. Mir hend zmörgelet, eus parat gmacht und hend alles is auto verlade. Denn sind mer no is bluemegschäft goh mis strüssli hole. Ich ha riesig freud gha wonis gseh ha – eifach bezaubernd schön, perfekt. Denn sind mer losgfahre richtig hotel wo euses fäscht stattgfunde hed. Mir hend denn zerscht iicheckt und es hed eus öppert s zimmer zeigt. Das isch ganz toll dekoriert gsii! Mir hend denn eusi chleider is zimmer brocht und deko fertig parat gmacht und a de reception abgäh. Die lüüt vom hotel sind unheimlich zuvorkommend und hilfsbereit gsii. Denn isch no de herr cho wo det d aläss koordiniert und mir hend besproche wo de apero selli stattfinde. Wills eher früsch gsii isch hend mer gfunde, mir wähled d indoor variante. (es isch aber immer schöner worde – mi gg hed denn dä herr nomol aatroffe und sie hend veriibart dass er chorzfrischtig noch wätter entscheidet, wo de apero stattfindet). Eusi tz und mini visagistin sind de au grad cho und mir sind alli is zimmer gange. Ich ha no öppis gässe und denn hed mini visagistin mit schminke aagfange. De tz und min gg sind denn no goh es usflügli mache, sie hend snacks und getränkt an ort vo de trauuig brocht. Mini tz isch scho gschminkt und frisiert gsii und hed sich denn no aagleid. Denn sind mine gg und de tz wieder zrugg cho mitem fotograf im schlepptau. Dä hed denn grad losgleid. Mir hends unheimlich luschtig gha. Eusi hochziit isch in vielne aspäkt chli „unkonventionell“ gsii, aber hed ebe eifach zu eus passt. so sind mer denn alli im gliiche zimmer gsii und hend gschminkt, gfötelet, umeblödlet, zimmer inspiziert usw. es isch total luschtig und entspannt gsii. Irgendwenn hed sich denn mi gg mol aagleid. Ich ha ihn jo scho könnt i sim aazug, er hed wirkli super usgseh! Denn isch de ziitpunkt cho dass ich mich aalegge. Ich bi denn im bad in rock gschloffe und denn zrugg is zimmer zum fertig aalegge. Und natürli sind alli no det gsii, mi maa, tz, visagistin, fotograf – hed mir aber gaaar nüd usgmacht, mi gg hed mis chleid eh scho könnt. Er isch aber de doch total usem hüüsli gsii – es hed ehm sehr guet gfalle a mer! De tz vo mim maa isch au fascht abem stuehl kippt und ich ha scho die erschte komplimänt fürs chleid becho! Ich ha mi super drinn gfühlt. Woni aagleid gsii be hed de fotograf no es par bildli gmacht vo mir/eus währed dem mir nomol chorz s tagesprogramm dore gange sind. Denn sind alli gange – tz hend zäme mitem fotograf vorem hotel d gäscht in empfang gnoh. Mir hend im zimmer gwartet bis eus tz aalüüted wenn eusi gäscht alli det sind. Ich ha denn mi gg no überrascht mit dem amulett mitem bildli dinn vo sim verstorbne vater. Er isch sehr grüehrt gsii und hed sich sehr gfreut. Mir hends denn zäme am bruutstruss aagmacht und denn hend mer gwartet… irgendwenn isch denn ändli de aaruef cho dass sie parat sind. Mir hend denn erscht erfahre, wo de apero isch! Sie hends verosse under ere laube am see ufbaut gha – herrlich. Zo dem ziitpunkt beni s erscht mol nervös worde. Ich stoh ned so gärn em mettuponkt und vorem momänt, s erschte mol vor die erwartigsvolle gäscht z trätte, hani chli bammel gha. De empfang vo eusne gäscht isch denn aber sehr härzlich gseh! Mir hend denn mol allne hallo gseid und öppis z trinke becho. Denn hend mer chorz eusi gäscht enand vorgstellt. Mir sind mit eus 33 persone gsii, mir hend kei zuesätzlichi aperogäscht gha oder so, hend eifach im chliine rahme mit eusne wichtigschte zäme de tag verbrocht. Drumm hend mer gfunde säged mer churz zu allne öppis – das hed wunderbar klappt und hed grad dene, wo no ned alli könnt hend, ghulfe. Aaschliessend hend mer denn eifach de apero gnosse, chli mit de gäscht gred usw. ich ha sehr viel komplimänt für mis chleid becho, das hed mi sehr gfreut will ech doch so lang zwiiflet gha ha. Es hätt chuum öppert erwartet dass ich wirklich es bruutchleid wirde träge! Noch eme stündli hed denn de tz informiert wies wiiter goht. Mir sind denn alli gmeinsam ufs schiff, es isch es kursschiff gsii, de ganzi oberi teil isch für eus reserviert gsii. D fahrt ufem see ich sehr gmüetlich gsii und hed allne gfalle. Witzig isch no gsii – ich ha gmerkt dass d lüüt eus so aalueged, aber ich ha alle gar ned realisiert dass die wäge EUS so lueged!