@Canoa Oh, denn isch das sowieso ä spezielli Wiehnachte bi eu :)

Mir werdet über Wiehnachte in Perth si... Mir hend ebe im 2009 zäme en Sprachufenthalt gmacht in Australie und mir sind binere Gastfamilie gsi, für sie isch das sehr speziell gsi es paar z'ha wills erst mal gsi isch, suscht gaht mär ja meistens allei oder mit Kollege und mir hend denn immer gschärzt und gseit, ja also wenn mir mal hüratet (....) denn verbrigemer eusi Flittis in Australie und eusi Gastmuetter het immer gfunde jaaaa natürli, "eues" Zimmer wartet scho uf eu :) und vor 4 Jahr hend mir ehrlichgseit nonig würkli as hürate denkt... wo sie denn erfahre het dass mär hüratet het sie eus prompt uf das agsproche und eus zu ihne iglade, sie sind beidi uuu herzig und mir hends so guet gah bi ihne, dass mär würkli sehr gern zrugg gönd und Wiehnachte bi ihne werdet fiire... Neujahr werdemer denn wohl z'zweite irgendwo fiire... Hauptsach am Strand :)

Hallo Zäme

@ Sonne: das Gfühl haltet recht lang ah, ich ha meeega lang Müeh kah in Alltag inne z'cho und immer wenn es schöns Lied glofe isch im Radio und ich as HZ denkt kah han sind mer Träne ufecho... Jetzt hani mi aber langsam gfange und ich denke anderst as HZ zrugg. ABer wie ihr würi de Tag soooooooooo gern namal erlebe

@ Flittis: bi ois isch es hüt Abig ih 6 Wuche sowiet!!!! Oisi letzte Ferie sind im Mai 2012 (!) gsi, bin au total dure! Bin letzt Winter 2x Flac glege und das obwohl ich nie Chrank bin und jetzt merk ich eifch wie usglaugt ich bin. Ha kei Motivation, kei Lust und mag eifach nüm. Bim schaffe hani amigs echt kei Nerve meh und und und. Also ich freui mi extrem uf die 6 Wuche Ferie!!!!! Chan also mit Dir Emma und Canoa richtig mitfühle!!!

@ elea: hoffe es gaht dir hüt nachli besser. Viel spass bim Negeli mache

Canoa, ich glaub es isch genau so wie du seisch, mer funktioniert eifach bis zum HZ ane. Mer isch bescäftigt mit plane, organisiere, vorbereite, sich freue etc. und nachher isch alles eifach so schnell verbi, denn chunnt es Loch und mer mag eifach nüm.... Ich bin echt scho Täg am zehle woni na muss schaffe, zum Glück schaffi "nur" 90% und han jede zweit Frietig frei und muss nachli weniger schaffe.

Ohh das esch schön dass du hesch chönne reduziere uf 90 % mängisch dänki gopf vorhär hani no Witerböudige gmacht ond 100 % dezue gschaffet ond jetzt beni met "nome" 100 % scho total am Aschlag. De Hushaut blibt eifach legge...aber wenns jo nome das esch...

seli ächt au mini Arbetstäg afoh zelle? hhmmm 39 das esch jo vou GEIL, hät jetzt meh dänkt! =)

Zuletzt bearbeitet am 20.09.13 09:04

Find ebä in Täg tönts nach weniger

Ja sitem Mai schaffi 90%, ich säg Dir das isch würklich Gold Werr!!! Wür nüm 100% wellä schaffe, klar d'Lohn ihbuessig isch recht viel aber es isch s'mer Wert gsi. Ich ha ebä letzt Jahr scho gnueg kah vom 100% Schaffe, ich mag eifach amigs nüm. Ich schaffe scho 14 Jahr und irgendwie isch das doch Krass, immer nume krampfe, krampfe und namal krampfe. Möcht nachlli mis Lebe gnüsse und drum hani mi so entschiede. Gern würi natürlich 80% schaffe aber das isch Lohntechnisch nöd möglich.

Ich weiss was du meinsch, ha früehner au na Wieterbildige gmacht und 100% gschaffet, kein plan wie ich das gschafft han aber ebä bin damals au jünger gsi, mer wird halt älter

Das isches ebe, es isch en extremi Lohnibuessig s reduziere...

Au ich han bis letzt Jahr Wiiterbildige gmacht und 100% gschaffet, irgendwie isches gange, han am Abig glernt, am Samstig bini no id Schuel und han trotzdem de Hushalt gmacht.. het eifach klappt, jetz fühl ich mich total am Aschlag... es het ganz sicher mite HZ ztue, chönds mir nöd anders erkläre... Ach wär das schön 80% z'schaffe... ich glaub nur scho ein Tag macht so viel us, aber au wie's du glöst hesch Lucy, jede zweits Weekend es verlängerets findi super :)