e hoffe natürlich für eus aui (aso für die wo chind möchte), dass es eifach tip top klappe wird.

mini schwöschter esch jedesmou grad schwanger worde, churz nachdäm sie d'pille abgsetzt het. velicht esch jo das bi mir au so...

mer hend gseit mer wördes akzeptiere wenn öper vo eus ned die lag wer. mer wend ke invitro oder weiss ned was. mer wörde denn probiere z adoptiere.

jo, eg finde au dass me sich nid scho am afang zvöu "negativi" gedanke sött mache. es chunt wies mues cho. und me cha de immer no situationsbedingt entscheide, wie me möcht witer mache.

es chont Emmer so wime ned denkt. drom hoffi of das! ond wenn mer en gedanke scho am adoptiere send, werds de so cho dass ich nach eim monet schwanger be met Zwilling
esch doch meistens so

elea:

---

es chont Emmer so wime ned denkt. drom hoffi of das! ond wenn mer en gedanke scho am adoptiere send, werds de so cho dass ich nach eim monet schwanger be met Zwilling
esch doch meistens so

Vell Spass ond Erfolg euch bim probiere :)

Bi mer esch es jetz öber es Jahr her set i Pille abgsetzt ha ond min Körper het genau so lang brucht zum sech vo dene Hormon erhole. I ha jetz fang 2 normali Zykle gha i dene 12 Monate, dHut beruhiget sech langsam, aber sGwicht esch noni zrug. Nachem Absetze hani rund 8Kg zuegno (ha aber au grad ufghört rauche), ha schlimmi Hut becho ond met dem goht au sganze Selbstbewusstsii bachab, was zu andere Problemli füehrt... Jetz esch endlich besser ond i be zueversichtlich, dass i nöm so lang muess warte :)

Wet eu met dem eifach säge, es esch ned selbstverständlich, dass es gli nachem Absetze klappet - au wenn im Umfeld veli grad schwanger wärde. Wenn de Chinderwunsch do esch, denn wördi ned no Johrelang warte, sondern eifach passiere loh ond denn esch es wies esch. Well de Chinderwunsch cha plötzlich sehr gross wärde (wie bi mer) ond denn esch es nöm so eifach zum met de Situation umgo, dass es ned klappet (e mim Fall well de Körper noni bereit (gsi) esch).

Sech ned unter Druck setze loh esch eifacher gseit als gmacht. Mer händ au monatelang gseit, mer lönds eifach druf abcho. Aber wenn mer den weiss, dass de Körper gar noni funktioniert, denn chonnt mer leider emmer meh unter Druck, au wenn mer das ned will. Mer fühlt sech schuldig well de Körper noni parat esch, mer fühlt sech unfähig ond verantwortlich för dSituation. Ond mer muess Tests mache ond Zit vergoht ond vergoht ond das machts eifach ned liechter.

I has minere Mam gseit, dasi Pille abgsetzt ha, das het mi ned meh unter Druck gsetzt :)
Ond nach de Hochzit chömed sowieso emmer weder Froge: "Ond besch scho schwanger?" oder "uii du hesch zugno, besch schwanger?" usw... I ha die Frog x mol ghört ond ergendwenn hani eifach gseit, jetz lönd mi endlich in Rueh, i chas nöm ghöre. Mer säge den wenns sowit esch ond vorher sell mi niemer me froge. Die Lüt öberlege sech gar ned, dass vellecht en unerfüllte Chinderwunsch dehinter steckt, sondern meines jo nor guet. Trotzdem esch es ned so angebracht die Frog zstelle.