Hallöchen mitenand

Ich meld mi doch au wedermal

@de Eltere säge: Also, mer hends minere Familie relativ schnell gseit, well ich gwüsst han, dass sie sich sehr drüber werdet freue. Bi sine Eltere hend mer bei chli "Angst" gha und hend chli lenger gwartet. Es sind zwar sehr liebi und mer hends au mega guet mit ihne, aber mir sind eus glich ned sicher gsii, wies reagieret. Es isch denn au ned so toll ufgno worde, aber ich bi froh gsi, hend mers gseit und mitlerwiile freuet sie sich glaubs au. Mer redet zwar ned wüki über d Hochziit Aber ich dänke, säge werdet ihrs irgendeinisch müsse Und wegem Alter find ich, spillts ke Rolle. Und wie lang mer zäme isch au ned.. Well schlussendlich hesch leider eh nie e Garantie für "bis dass der Tod euch scheidet"....
Ich han au 88 und er 84. Und ich dänke, denn sind mer nöchst Jahr 25 und 29 und sit zäh Jahr zäme. Und das passt für eus und das isch d Hauptsach

Och Valeria, esch esch dis Chleid nüm dine und ich has nüm gseh. Cha drum min Sänf ned dezue geh

@zibesa: Ich denke au, dass du dir ke Stress musch mache. Mer hend gseit, mer wend so früeh afe plane, dass mer ebe gnau kei Stress hend.. Und ihr hüratet ja am gliche Tag wie mer und mer hend würkli no vell Ziit Und ich würd au chli mit dim Fründ rede, was er sich so vorstellt... Mer machets so, dass mir über es Thema redet und säget, was mer eus vorstellet, denn suech ich das use und zeig ihm, was mer am beste gfallt und wenn er das au so gseht, denn reserviere mir das. Und all 6 - 8 Wuche öpis neus... Denn simmer fertig bis im Juni und hend denn en Monet Ziit zum Relaxe


So, es Mega-Sorry, dass min Text so ewigs lang isch worde!!!





Verliebt 05.01.04.. Verlobt 10.09.11.. Verheiratet 13.07.13

Zuletzt bearbeitet am 06.06.12 13:30

@ zibesa, auso zum einte isches sicher so, dass es mehreri männer git, wo e grosse teil vo de vorbereitige ihrne froue überlöh und sich nid usgschlosse füehle.. wenn du aber angst hesch, das chönnti gliich dr fall si, denn red doch mau mit ihm?
bi üs isches chly ähnlech wie bir snet, mir si no nid wahnsinnig wyt, aber mir hei o no zyt. da mi schatz itz sicher di nächste paar mönet praktisch nie meh daheim isch, hei mir mau so chly üses hochzyts"thema", farbe etc überleit,, das i itz o chly allei uf idee-suechi cha und ihm denn d ergebnis vo däm cha zeige, damit mir zäme chöi entscheide..

nicht registriert

und dezue chunt afach no, dass mer münd chi fürschi mache, well mini cousine, und min cousin und die ander cousine au negsch jahr hüratet und den gsehnds grad das den gar nid müend wele =)

du hesch mi äuä falsch verstande.. i ha gmeint, du söusch di nid lah stresse.. :) und nid du söusch nid scho vorbereite

Guet, denn hemmer ja s Gliche gmeint

Mer hend au d Location und de Caterer und sobald mer chönd, no de Termin für s Standesamt. Und d Iladige simmer no am bastle und alles wo Deko oder so abelangt, machemer de nöchst Jahr.. Usserd s Chleid, das wir de Herbst gmacht, wenn wieder Usverchauf isch

Bi ebe grad mega truurig... Mer hend euses Traum Standesamt scho lang im Aug gha und ez het ,er d Gmeint es Mail gmacht und am 13.07. findet kei Trauuige statt... Schisst mi grad mega ah, well das so perfekt passt hätti... Ez mümer wiiterluege und ich hoffe, dass mer no was schöns findet





Verliebt 05.01.04.. Verlobt 10.09.11.. Verheiratet 13.07.13

@Valeria: miar sin jo letscht johr in izmir gsi mir MSC und döt hani uuu viel läda gseh mit wunderschöna günstiga HZ-Kleider. Viellicht findsch döt jo öppis.

@zibesa: also bi üs isches au so, dass i fast alles macha, er hilft bastla und so aber d'Idea hola i und schlons ihm vor. Also miar hen jo au wella üseri Eckpünkt reserviara und nocher langsam agoh. und miar hen jetz Fotograf, Musik, Restaurant und Krüzfahrt definitiv reserviart und löns jetz ruahig agoh. hen dia letschta 6 Wucha nüdmeh gmacht. I verstohn, dass du dia Eckpfiler au ha wit bevor mit relaxa afohsch.







****Ziviltrauung 26.7.2013 & Zeremonie in der Woche darauf auf hoher See ****