@ Steph Danke viel mal Mir hüüratet au no Kirchlich und dete isch mis Kleid mega pompöös bin halt e chlini Prinzessin... also vo dem her isches zwar mega viel für es zivils aber es isch genau min style und passt eifach zu mier... aber danke de gedanke han mer nonig gmacht gha...

üübrigens wegem Kleid es hett nomal en auktion geh und ich han botte... wenns mer nöd gfallt oder so denn verkaufis wiitrer aber es isch eifach de hammer und gfallt mer mega..!
:) da no de neu link
https://www.ricardo.ch/kaufen/kleidung-und-accessoires/kleidung-fuer-damen/abendkleidung/groesse-42-46-l-xl-/sale-brautkleid-hochzeitskleid-abendkleid-ballkleid/v/an681023950/

@Lula: Dr Kontakt ischränka goht eba schu amol gär nid! Si wenn üs mind. all 2 wucha gseh, das isch eba au sonas Thema wo mi abiz stört. Aber i törf do nid z'viel säga well mit minera Familia hemmers u guat und dia gsehn miar eba recht regelmässig amol mina Brüatsch und teilwis au mini Eltera (min Brüatsch mehrmols in der Wucha). Aber sini Eltera sin im Stand zum go spatziara an üserem Huus verbi laufa und nocher as SMS schriba: si segen gsi go laufa und hegen überleit zum verbi cho schnell aber hegen sich nid traut well si jo störa chönnten, überigens hegens üs schu lang nümma gseh miar söllen wiederamol verbi cho. Das sin eifach so sacha wo mi nerven. 1. hen si glich wit wia miar und si chön üs au amol cho go bsuacha 2. was isch das füra Art, miar hen eu wella go bsuacha und hen denkt miar stören!?!

Dia Ostera hen miar au wieder so Theäter kha:

miar hen jo 4 Täg frei kha (Fritig-Mäntig) und dia täg sin für mi amix eifach nur stressig, i han minem GG gseit vu jetz aweg verreisen miar über so firtig.

Sini Eltera wohnen mit da Grosseltera und dr Schweh vu mim GG ima 3-Fam. Huus und am karfritig simmer bi sinera schweh zum brunch iglada gsi (aber do sin immer alli parteia drbi, also eltera, grosseltera, schweh und miar) am ostersamstig bi mina eltera zum znacht (1 Obet vu 4 Täg), am sunntig bi sina grosseltera zum z'nacht (wieder mit allna parteia), und am ostermäntig bi sina eltera zum brunch (wieder mit allna parteia). i verstohn amix eifach nid warum ma nid chan das uf eimol beschränka, as sin jo immer alli parteia drbi denn würs doch au langa wenn ma eimol a brunch wür macha und nocher het ma no frei dia restlicha täg....

gohts eu au so? oder bini do z'unflexibel oder z'streng? wia gsehn iar das? öppa glaubi au i bin unnromal. aber das nervt mi halt schu, denn hetten miar 4 täg frei und bisch irgendwia immer usbuacht und chasch glich nüd macha, so chani doch au grad go schaffa....


****Ziviltrauung 26.7.2013 & Zeremonie in der Woche darauf auf hoher See ****

@Lula: Gäll has au dänkt mit de 88er E freii Trauuig oder so, wär scho easy, aber mer "müend" ja glich im Standesamt au hürate und irgendwie hend bi eus all nur am 06.07. offe. Han ez sicher scho 10 Stuck glueget und keis goht... Und uf ZH use fahre oder so, schisst mi scho chli

@bergeri: Oh nei, das wo du da schribsch, das wür mi abartig aschiss***. Emmer jammere, meh mäldet sich ned, aber sälber wür mers au ned mache... Aber ich bin da chli anders. Das würd ich eifach de Familie grad säge, egal wies de usechunt
Und dass mer sich jede Tag "muess gseh", isch au ned so toll. Het doch jede no sis Privatläbe... Mir hends ame so a Karfritig immer bi ihm und am Samstig immer bi eus..
Und wenn mir eusi Eltere gsend, denn freuet mir eus immer mega druuf, wells ebe kes Müsse sonders e Welle isch...


Verliebt 05.01.04.. Verlobt 10.09.11.. Verheiratet 13.07.13

@bergeri

nei ich verstah dich... mini schwiegereltere würdet am liebste au welle dass mier s'ganze weekend ööpis mit ihne mached oder mit ihne sind und so au bi de Fiirtige... am afang hanis gmacht aber jetzt duni das immer scho mega früeh mit mim GG aluege und entscheide... zum bispil das weekend hend mier am Fr usgang planet, trent freu mi mega... ich mit mine Fraue er mit de Manne

Sa abig bi sine eltere Pizza esse und nacher mit de schwöö in Usgang (sie isch im moment solo nach 7 jahr bezihig) freu mi au scho...

am So spilt am 18.00 Italie - Spanie... min GG dut ja hobbymässig fötele und hett am So bis am 17.00 en Kurs... am 18.00 chömet mini und sini eltere zu eus de Match go luege... ez hett aber mini schwiemu gmeint ich chan ja scho zum zmittag zu ihne cho und denn chömet sie all zu mier...
denn hani halt müüse lüüge aber das isch s'einzige wo ghat und müsse sege ich heb mit de Kollegin zum brunche abgmacht... ok isch zwar nöd wasi hett welle aber wird akzeptoiert... abeeer hetti gseit nei ich bin bi mine eltere hett sie mi schief aglueget..! weiss nöd wieso aber ebe... ich versuechs eifach z'ignoriere!

lg

@Arwalds-Braut:

I finda schu a Familia isch wichtit, aber i finda d'Eltera müan üseri Meinig und üsers Privatleba genau so akzeptiara wia miar ihres. und i finda au si müan Respekt vor üs ha und üseri Entscheidiga au akzeptiara. Und miar müan nid nur vor ihna Respekt ha und alles wo si super finden müan miar au super finda. und bi ihm isch das eba abiz aso.

I han schu ettlichi Diskussiona mit sinem Vater kha und schlussendlich muassi amix eifach säga: du hesch recht, welli eifach kei chance han und au wenn i ihm öppis schwarz uf wiis bewisa er behauptet as isch anderst!

und vu wega pünktlich: bi ihna giltet z'motto: Pünktlich isch mind. 15 Min. z'früah, genau uf d'minuta isch z'spoht. und do bini halt au anderst: i finds eher lästig wenn i öppert uf dia 6 zum z'nacht ilada i bin in der kuchi han stress muass no seb und jenes macha und sini Eltera oder Schweh sin schu 30 Minuta früaner in der Stuba. I finda Punkt denn wenn ma abgmacht het oder so 5 Min früaner okay, aber nid mind. 15 Min. viellicht bini do au heikel, oder as het sich eifach schu so viel agstaut dass mi jetz eifach alles nervt, aber as regt mi eifach uf.

Jo und min GG antwortet ihna au gär nümma uf SMS wells ihn eba au nervt, dass si ihm allpot schriben was si jetz grad machen, as interessiart ihn eifach nid, miar schriben ihna jo au nid eifach so, miar hen hüt stress kha mim schaffa etc. etc. i find das langt wenn i das mit mim GG besprecha und nocher isch guat, das müan doch nid alli verwandta wüssa.

****Ziviltrauung 26.7.2013 & Zeremonie in der Woche darauf auf hoher See ****

Aha, de bruchts nid eifach nur Zit, sondern VIL Zit, bis si sich a sorigi Veränderige gwöhne Wes jetzt scho chlei besseret het, wirds sicher so witr go, hoffi emu für euch!!