ha chli sehr spot zmorge gässe darum hani müesse warte

Das duet mir leid Canoa, dass das mit eurem TZ nid so klappt het. Esch jo würklech mega schad! Eusi Tätschmeister si zum Glück super gse und sehr hilfsbereit. Mir sötte sie ebe ändlich mou zum ässe ilade und ihne s'gschenk übergeh. Mir hei ihne jetz jewils e Smartbox kauft wo sie chöi z'zwöite go ässe. Da ihri Partner au sehr vöu gmacht hei für eusers Hochzit hei mir das grad passend gfunde.

Das fendi schön Canoa. Zit mitenand verbringe esch haut immer no öppis vom schönschte!
Be eus esch jo der TZ vo mim Ma au grad Tätschmeister gse. Und eg ha mini Schwöschter als TZ gha. Sie het aber eigentlich nüt müesse mache, usser öppe mou mi Brutstruss hebe und Gschänkli entgägenäh zäme mit de TZ. Dorum schänki ihre nüt speziells. Das het sie bi ihrem Hochzit au so gmacht gha. Fendi au ok. Aber eusi Tätschmeister hei würklech sehr vöu organisiert und vöu Arbet gha. Das muess scho honoriert wärde!

hallo zäme! da lauft ja wieder chli meh als i de letzte täg :-)

eusi dankeschärtli sind scho acho, mir händs au bi smartphoto gmacht. bi mega zfriede! jetz müend mers nur no schribe am weekend... das wird ja au öpis werde.

eusi TZ hend eus es Gschänk gäh, sie hend aber kei Uslage gha, do eusi Gäscht vo säuber met Onderhautig cho send. Darum fendis chli doof wemer ehne au es Gschänk gänd i dem Rahme wo sie eus gschänkt hend...das wärs mer au wärt...aber esch haut eifach chli en doofi Situation

Himbi super, vöu spass bem schriebe am Weekend

ech gloube ech be öbe die henderletscht met de Dankeschärtli

ah was, ich ha im summer es chärtli übercho vonere hochzit letzt winter :-)

mir schaffed wahrschinli au nöd all das weekend. sind sicher 70 stuck.