Ja und wie mi Maa seit immer e heig 3 Maas Bier z'vell trunke scho es richtigs ränzli hani! Und mini Brüst erscht! Bringe kei Jagge meh zue säge immer chummer vor wie usträchneti möuchchue! Risse dinger wo (zum glück) noni gfüllt sind

hey ihr liebe-

ich bin scho ewigs e stilli mitläserin in dem tread. immerhin hani das johr au ghürotä und wie bi allne stoht s thema baby au chli im ruum
aber irgendwie wüssed mir au noni so rächt und händ total respäkt eus uf das abentüür izloh. zudäm hani eifach absolut kei ahnig wie ich mi do am beschde due "vorbereite"......

uf jedefall möchti uf kei fall das dä tread ischloft, geschweigedenn lahm liit- drum hani dänkt ich wirde in zuekunft viellicht au chli meh min senf dezue gä wenns euch nid stört?

Hallo mini Liebe!!!

Jaaaaa, au ich bin no bitz umenand. Han aber ehrlich gseit de Thread nüme ganz so oft verfolgt wie au scho
Zur Ziit bini grad drah am Wienachtsgschänkli mache für eusi Eltere usw... Das Jahr isches ja echt eifach. Git für all irgendwas mit hz fotene. entweder fotibuech oder kalender... hi hi, mueni nöd viel studiere...

suscht hanis eigentlich so wiet guet. han letschte samstig mit de lucylou es after wedding shooting gmacht. huuuiii händ mirs lustig gha. han bilder jetzt chöne uf de online gallerie aluege, aber deht gseht mers nöd richtig, isch recht miesi qualität. chume aber die wuche cd über, denn chani eu mal eis zeige. mer händ mega witzigi fotene gmacht, händ ja au en irrsinnig schöne tag gha!
mer händ bif bubbels chaugummi ufblase und so föteli gmacht, mer händ mit seifeblöterli und turnschueh gfötteled, alles mögliche. isch echt witzig gsie. mer sind sogar uf de bahngleis gläge jetzt hämmer schön rost am rugge vom chleid. aber es isch nonig so dreckig das mers nüm chönt alegge...
ich freu mi scho uf de früelig wennis nomal chan alegge. möcht denn no es shooting im und am wasser mahe. das wird sicher au mega!

und suscht lauft hz technisch hald nüt meh. dankeschärtli sind ja au scho länger verschickt und jetzt isch nur no chli fotene sortiere usw agseit. aaa es album vode flitterwuche möchti denn no mache. aber zersch sind jetzt mal die fürd eltere dra...

so mini liebe, ich wünsche eu no en schöne sunntig und en guete start i die neu wuche!!
eui nemo

guete morge ihr liebe

wie gohts euch? ich lig chrank geheime und bi grad vier Hochzeiten und eine traumreise am güggsle. ahhhh, das weckt erinnerige

wieso ich vorhär nie mitschriebe ha? mi GG und ich händ "nur" es zivils feschd gmacht mit grad mol 12 persone. do hani mi chli fehl am platz gfühlt bi all euchne wunderschöne, grosse hochzyte!