Danke, werdet mer mache!

Ich verstahn dich elea, wahrschinli bisch du halt au ehner de Typ Mensch wo sich bi grössere Veränderige ehner Gedanke macht, und das find ich ganz wichtig.

Finanziell sötts bi eus eigentli guet gah... mir hend zwar sehr ä türi Wohnig, aber ich wür wiiterhin 40% wele schaffe und so chunt doch au no bitz zu sim Lohn dezue. Mir beidi liebet reise und würet das eigentli au no mitemene Kind wele mache, klar i gwüssne Länder und gwüssne Hotels, aber uf das wämmer nöd unbedingt verzichte (chunt au immer ufs Baby drufa und das chan mär nonig so säge) Mite Kollege denki muess mär sich da eifach organisiere, ich wür nöd es Mami wele si wo ständig as Baby klebt, ich möcht so offe chöne si, mis Kind au chöne abzgeh und mir en Usziit z'gönne, genauso min Ma. Er söll sini Freiheite ha und ich mini, ich glaub d Frustration isch am grösste wenn dich igängt fühlsch und sich alles nur no um de Knopf dreiht... aber das muess mär ide Partnerschaft regle, das eim das bewusst isch, denki isch scho sehr en grosse Schritt vorus.

Ich finds sehr wichtig, dass mär sich Gedanke macht, es isch sehr en wichtige Schritt wo gar nöd z'unterschätze isch, ich find aber au dases söll Freud mache und nöd Kummer bereite, mär söll das chöne entspannt agah, aber offeni Frage blibet immer, das isch wahrschinli ganz normal... wenn denn aber s Baby da isch, lernt mär mit gwüssne Situatione umzgah und passt sich automatisch a :)

@LucyLu wooow sooo wunderschön :) freu mi sehr vo dir zghöre und wünsch eu wiiterhin traumhafti Flittis!

dänke genau glich wie du emma

wow lucylu, so cool! viel spass wiiterhin, gnüssets ganz fescht!!

jo sonne du hesch recht, me cha au alles voll zerdenke...
mengisch esch ebe ned schlecht wenn mes eifach uf eim loht lo zue cho. es chont so oder so Emmer anderst wie me denkt...

lilly, secher? esch das bider so schlichend cho dassd gmerkt hesch du besch 100Prozent ready?
i has gfüehl i mache mer je länger je meh sorge verstönd mi ned falsch mer wend ooonbedengt es Baby. wahrschinlech Emmer eifach bez schwarzmohler

ja valey das hani au scho vo paarne ghört, dass wenn du e gueti bezihig hesch, denn schweisst di s chend no zeme. aber wennd vorher scho Problem hesch werdes dors Baby no verstärcht. vo dem her müesti mer jo ke sorge mache


hey lucylu, gseht super us! gnüsseds witerhen schön!! :)

haha weisch wis denn wird si. sobald mer eis chend hend, werdi sone mega gloggere wo au nach wens chind en Teeny esch no ned einisch elei fort esch gange sone rechtigi gloggere halt

Ou nei elea... das werdemer denn alli jetz chömmer guet rede

valey, ich han ebe au sone Kollegin, wo zwar mite Kollegine abmacht, aber au wenn mir zwei mal öpis zäme gönd go esse, nimmt sie de chli immer mit, sogar a eusere HZ het sie de chli mitgno... aber ja, wenns für sie so stimmt, chan niemert öpis säge.

Mir hend das scho paar mal besproche und für eus isch klar, dass mir eus die Ziit z'zweite oder allei wend neh, nöd nur fürs Kind, aber vor allem für eusi Beziehig... ich finds uu wichtig dass mär trotzdem als Paar Ziit mitenand verbringt und dass s Kind nöd IMMER a erster Stell isch...