ja das hend die wochenend so asech...ha au s gfüehl es sig doch erst grad fritig obe gsi.... aber au d Woche rase em Moment nome so (wasi super fende) sell nor mol gli weder wiehnachte si!

ja vell ztue gebts bi mer au, aber i dem graue wetter chani mi momentan zo gar nüt schlauem ufraffe.
haha ha denkt weni de ifolor code ha vode nemo setzi mi grad ad büecher :) nix gsi.... be so fuhl momentan...

si het gseit endi johr... aber endi johr cha au heisse ergendwenn om wiehnachte ome... gopf muess mi wörkli ad arbet mache, soshct reggi mi denn gotzgrusig uf... :/

hender euches foti Album becho scho (seisch weni sell ufhöre froge, ned dasi do i wunde ome bohre )

haha guet de döfi demfall no froge :)

jo do mögti au nöm warte... soscht chasch jo de emmerno es schüchs mail schribe ;)
jo i wet ebe au gern no es paar vode Album verschecke (emo de eltere) ond de geht's vom zivile 3 Album, vom fest 3 Album und no eis vode fletterwoche. ond bi 7 Album chame so einiges spare met 50% jetzt hani mer scho wele vorneh dassi höt avo. aber höt machis eh ned
zobe gömmer no zo Globetrotter go luege för ferie nöchst johr! freu mi scho! hoffe es sprengt ned euses Budget :)
am fritig zobe het de Chef me ond gg no zo sech grüeft. mer hend shco angst gha dass er esu chöndet
de hetter gseit mer heiget jo scho öpis becho vode mettarbeiter (si hend zeme gleit ond mer chöne jo en städtetripp go mache). aber er wet eus no separat öpis ge so als gschenk vode cheffe vom Büro. und mer chöne eus öpis ussueche em wert vo 1000.-! mer send usgflippet vor freud! wel mer hend scho so freud gha am gschenk vo allne metarbeiter und hend de denkt jo das sigs! aber das es no separat em Name vom Büro öpis geht dasch de wahnsenn... mer hend gseit mer wend eus Globetrotter-guetschin wönsche de geht's e schöne batze a eusi ferie :)
ha so freud wenn 2mt nach de hz emmerno so überraschige chöme :)

ou echt? ha mi scho mängisch gfrog wies ihre ächt so goht... schaad...

das gschänk isch jo meeeeeeeeeega! hammer! das isch jo toll! das ged werkli e schöne batze ad ferie äne! hend ehr denn scho plän wohi dass ehr wetted? planed ehr öppis grössers? ach, es esch so schön wenn mer so öppis in ussecht hed - au wenns no lang duuret, vorfreud esch doch die schönscht freud be eus geds wohl nüd grosses was ferie aabelangt nöchscht johr, aber hauptsach met mim schatz chli fort

hui jo, be so viele albe mached 50% eifach wahnsinnig vöu uus! drumm bini au no draa das vo de sommerferie z mache... aber ebe - ech chome ned so vorwärts. ha im momänt so en lismi und höggeli spleen wie es alts grosi - und 1000 idee wasi no chönnt mache! und de hani nochli dekoriert deheim am wocheänd und ha demit min gg überrascht wo wäg gsii isch. und d adventskaländer setti au no fertig mache... ech hätt also viel z tue deheim, was schaff ich überhaupt no?!?