Hallo mitenand, schön isch euse Thread no aktiv...

ich bin hüt chrank dihei, gaht mär nöd so guet, aber am Wuchenend hend eus mini Eltere euses Hochziitsvideo vo Italie mitgno und ich luegs ufe und abe, hans scho 3 Mal gluegt ihihi dörfi gar niemertem verzelle aber es isch eifach sooooo schön

und es gaht nur no 25 Täg bis zu eusne Flittis... schön, hend ihr au wieder Ferie in Ussicht und hey das Gschenk elea isch ja Hammer :)

Zuletzt bearbeitet am 25.11.13 14:23

ui emma, demfall gueti besserig!!! hihi, immerhin bisch guet underhalte! soooo toll wägem video, ich chönnt sicher au nümm ufhöre mit luege wenn mir eis hätted!

elea, ich mach grad loops, also so rundschäl. falls eine bruuchsch und denn hani aagfange so chindischi tierli höggle, aber ich find sie mega härzig, und ich wirde jo scho bald wieder tanti - ha ebe en idee zum so en "chetti" mache für de maxicosi... dekoriert hani für wiehnachte, ha nochli d hochziitsfarbe wieder loh ufläbe und d' überbliibsel vo de hochziitsdeko passed so au drii. ich chönnt stundelang im züg ume nöschele, ich ha en schrecklichi phase momentan furchtbar aber ich machs sooooooooo gärn!

hihi, jo mir bemüehed eus wirkli sehr dass dä thread no es hüüchli am läbe bliibt

meinsch das züg wörd öpper chaufe?!? ich verschänkes eifach, aber langsam sind all iideckt
be gspannt was es denn gid - ob meitli oder bueb! de muessi mis farbkonzept nochli ändere be scho am überlegge was ich denn für nichte/neffe nr. 4, wo im april chunnt, sell mache ich weiss, ich ha e flick wäg...!

hihi elea, cool! de beni also ned die einzig wo so züg öberleid aber du besch jo fascht no es spüürli schlimmer

boah, erscht ziischtig... wie motiviered ihr euch, bzw, wie motiviersch du dech, elea?

hihi, jo probieres scho, aber mini motivationsschüüb chömed eigentli immer am obe deheim, und ned bem schaffe hött gohni no met de tz eis goh zieh, das fröit mi!

übrigens: geschter isch s album cho ganz speziell verpackt, isch sehr schön use cho! s papier isch au ganz speziell! isch kei fotipapier, wirkt irgendwie matt aber gseht no cool uus. wie süscht es buech, ned werkli wie es fotibuech!

hui, jetzt use goh schaffe - ich würds ned ushalte! wie liirsch du dich denn ii, dass do ned verfrüürsch? ich würd all mini loops umewickle und würd am schluss usgseh wie es michelinmännli - schaffe chönnt so sicher ned ;-) wie machsch du das?!?
hmmm, das heisst jo de au, i de nöchschte beide täg bini "allei" do, ussert es güxlet süscht wieder mol öppert ine. aber ich gib ned uuf, nei, ich wott eifach ned dass dä thread usstirbt!

hihi elea, ech cha mer grad vorstelle wie das usgseht! hihi, wahrschiinli gseht me meh chleider i de landaschaft als die person wo drin steckt

ich wett ebe au ned dass de thread usstirbt! es nimmt mi au wunder wie dass es bi allne wiitergoht, wies allne so goht, was alli so für neui Projektli hend i ihrem läbe usw...

s fotibuech esch öppe 30 uf 30cm und rächt dick. es isch inere schachtle cho mit sim logo druff und so. mit eme schnüerli zämebunde, rächt härzig. s buech isch usse us stoff, aber es hed no so en papier-einband mit eme bild, wie halt es buech mit hardcover wo süscht zum läse chaufsch. s papier isch ächt au so, richtig speziell. ich bi de gspannt wie d qualität vo de bilder bi tagesliecht wirkt, aber das gsehni erscht am weekend, im momänt isch es jo immer dunkel wenn me deheim isch