| Bräute 2013 |
|
|
1 .. 1486 .. 2969 2970 2971 2972 2973 .. 3365 .. 3757
|
27.11.13 09:05
dandi78 
|
Re: Bräute 2013
guete morge zäme
ha dänkt, eg mues mi au wieder einisch mäude. be jetz scho lang nümme im forum gse.^
@sonne: endlich hesch dis album übercho! so schön, das freut mi für de.
@elea: ou nei, be dene temperature vorusse schaffe... brrrr!! was schaffsch denn du, weni darf froge?
eg ha ändlich s'fotialbum vo der hochzit fertig gmacht. eg has jetz bi smartphoto gstaltet und be bis jetz sehr zfriede. ha dört au grad das vom zivile und vo de flitterwuche gmacht. jetz machi no s'album für eusi eltere fertig. das wird de s'wiehnachtsgeschenkli. :-) und nachhär chani de alli album grad mitenand bstöue. immerhin gits uf die erschti bstöuig 30% rabatt. das macht de grad chli öppi us!
ah und hüt am morge beni bim frauenarzt gse. er findets vorbildlich dass eg scho ha afo folsüri neh.  er het gmeint dass alles tip top usgseht und mini eierstöck scho wieder d'funktion ufgnoh hei.  ha ha, das tönt so witzig! er heit gmeint, dass 50% vo de fraue innerhalb vomene halbe johr schwanger werde und 80% innerhalb vomene johr. das tönt doch scho mou positiv. und de het er no gmeint, dass er glaubt, dass eg scho bald wieder wirde verbi cho, vorusgsetzt, dass mi ma gueti spermie het. ha ha ha, dört hani aso au grad müesse lache. eg be froh dass das alles so guet tönt het. jetz warte mer mou ab.
so, jetz aber gnue vo mir postet. ;-)
wünsche euch aune e tolle tag. 
|
|
|
|
|
|
|
|
|
|
27.11.13 19:14
elea
|
Re: Bräute 2013
hallo zeme
sonne, das fotibuech tönt rechtig super!!!  verstohni dassd freud hesch!!!
danki, das tönt jo super vo dim fa! toll das alles so guet lauft.
bes gester au grad bi mim arzt gsi ond hane gfrogt obi öpis müesst beachte wegem asthma wenni wörd wele d pille absetzte. wörd si nemli gern absetze, eifach zom luege ob alles funktioniert. zobe hani met gg no bez öbers thema chinder gredet und naja... ergendwie hemmer do bez anderi vorstellig wenn mer wend loslegge. i hetti gern jez d pille abgsetzt und de so imene johr de avo lo druf acho. er gseht das bez anderst. er möcht dassi erst i 2johr d pille absetzte. i hanem de gseit, dass es locker es johr cha go, bes sech alles ipendlet het, und das es nomol locker es johr cha go bes es wörd ischloh. und i hanem au gseit dassi ned so lang möcht warte... er het denn eifach gseit, doch 2 johr wetter schono warte...
das het mi ergendwie so verschreckt und mer erst wörkli bewosst gmacht, dass i ned so lang wet warte. vorallem well mer au ned nor eis chend wend, wetti ned s erste met 33ha oder so... er het de gseit er muss sech mol bez gedanke dezue mache... i hoffe mer fende no ergendwie öpis wo för beidi stemmt. hanem ebe au gseit i wörd gern pille absetzte ond eifach anderst witer verhüete. ergendwie het em das au ned so pässlet. das het mi denn ergendwie es bezeli hässig gmacht, well schloss entli eschs min körper und do eschs eifach elei mini entscheidig ob ich die hormon no wet ne oder ne!  wi gseit i wörd nie ufhöre verhüete ohni das met ehm abzspreche aber ebe wenni die pille nöm wet ne und en anderi möglichkeit wet fende denn erwarti ergendwie chli meh kompromessbereitschaft...
ke ahnig, velecht hani mi do au i dem moment em chopf echli i öpis ine gsteigeret. of all fell hets mol guet do dass do ufzschribe... 
wönsch euch no en ganz e schöne obe zeme!
|
|
|
|
27.11.13 20:22
Emma13
|
Re: Bräute 2013
Hoi zäme
@dandi schön wieder vo dir z'lese, freut mi dass sowit alles guet isch, erleichteret eim scho grad gäll? :)
@elea ou nei, verstahn dich... und ich gsehns au bitz so wie du, ich denke de Körper an sich brucht scho es Ziitli zum de normali Rhythmus wieder z'finde... Aber ich finds guet das ihr das Thema ehrlich mitenand usdiskutiert hend und wie ich verstande han, isch er ja nöd komplett degege, sondern wür eifach no es bitz länger warte als du. Aber wie du gseit hesch, es isch DIN Körper und wenn du s Gfühl hesch dasses Schluss isch mite Pille, denn sötsch au demit ufhöre. Ich chan nur für mich rede, aber ich merke wie viel besser s'mir jetzt gaht, fast 3 Mönet nach Absetze vode Pille, ich nimm sie sit ich 17ni bin und erst jetzt, mit 25gi gspüri min Körper richtig wieder, tönt zwar komisch, aber isch würkli so... Darum öb andersch verhüete oder nöd, de Entscheid vom Absetze söttisch du allei chöne treffe, s gitt ja no soviel anderi Verhüetigsmethode. Ich hoffe ganz fest, dass dich das nöd demotiviert und du morn das Ganze wieder mitemene Lächle chasch aluege, vilicht muess er au nomal drüber schlafe :)
Ich han wie gseit sit 3 Mönet abgsetzt und merke eigentli kei grossi Nebewürkige, d Mens sind regelmässig cho di letzte 2 Zykle und ich nimm au scho sit 2 Wuche Folsüri. Mir lönd eus überrasche und freuet eus umso meh ufd Flittis hihihi 
|
|
|
|
|
|
28.11.13 08:07
sonne13
|
Re: Bräute 2013
oh elea, ech cha so guet nochempfinde wie du dech gfühlt hesch - fühl dich drückt!
ich finde au, dass es dini entscheidig sell sii, ob du pille no wettsch näh oder ned. das thema isch zum glück bi mir nie en diskussion gsii - ich ha gseid ich wett sie nümm näh und er hed gseid: guet, denn lohs sii, müend mer halt tütli chaufe es isch en iigriff in körper und es isch ned so ohni wie vieli (männer...) viellicht meined. ich kenn jetzt einigi fraue wo pille nümm nähmed und es ged keini wo find sie heds mit pille besser gfunde. klar, schmärze währed de mens usw, das isch scho no schigg wenn die nümm hesch, aber alles in allem ischs eifach schön wenn di körper meh "fühlsch". viellicht hed er sich chli überrumplet gfühlt, und evt. weiss er wirkli ned sehr viel über pille und d wirkige devo (woher au...). ich findes toll dass ihr das aagsproche hend, weiss aber au dass es ned eifach esch, vor allem wenn d reaktion ned so esch wie mers gärn hätti. ich glaube aber, es isch en aafang. gib ihm chli ziit und säg ihm eifach, wieso dir das mit de pille wichtig isch und wie sehr dich das beschäftigt. ich dänke, au be dir isch öppis wichtigs passiert - dir isch bewusst worde, dass du nümm so lang wettsch warte. ich dänke es isch wichtig dass du ihm seisch, wie sehr dich das thema beschäftigt und dass du dir sehr viel gedanke machsch. dass du ihm schilderisch was dini gedanke und ängscht sind und au ihn frogsch wieso er denn no so lang wett warte. männer hend ganz anderi sorge in verbindig met dem thema als fraue (han ich emu so empfunde...). sie gsehnd das alles chli "klarer", viellicht sogar chli realistischer und evt. au mit ere andere distanz als mir... ich ha mol gläse, männer mached sich sehr viel gedanke, hend viel ängscht, und fraue dänked eifach: scho klar, es esch ned alles es zockerschläcke, aber es chond scho guet
|
|
|
|
29.11.13 05:49
LucyLu
|
Re: Bräute 2013
Hallo mitenand
Bin grad ächli am Ziitvertriebe und ha denkt meld mi mal wieder. Ich chume ja immer Mails über wenn ihr schriebet und wenni mal Wifihan tue ich die abläse u das isch den Mini Lektüre, danke ad Sonne und d'elea dass ihr so fliessig schriebet 
Mir sind bereits in Neuseeland ahcho und mitem Camper unterwegs, macht Spaß. Jetzt hämer nur na 8 Täg und denn simer scho wieder die Heime,leider gönd Ferie eifach viiiiiiel z'schnell verbi.
sonne13:
jetzt hed aber mi arzt "gmerkt", dass mir ei impfig fählt, schiins müesst mer 2x gäge masere, rötle und mumps gimpft sii. denn darf mer allerdings 3 mönet ned schwanger wärde... ich frog mi jetzt, ob die impfig denn so wichtig isch...? wüssed ihr, wie oft ihr gäge rötle&co gimpft sind?
Die MMR Impfig (Mumps, Masere und Rötle) muss mer dringend zwei mal gimpf ha ih sim lebe bevor d'schwanger wirsch. Es isch nämlich fürs Ungeborene ganz schwerwiegend falls du die Chranket während de Schwangerschaft würsch becho und da de Schutz erst nachere gwüsse Ziit isch muss mer drü Monet warte (schaffe innere Arztpraxis und händ viel Schwangeri betreut).
Sodeli, Schick oi liebi grüessli und es schöns Tägli (mir sind genau 12 stand vorus).
LucyLu
|
|
|
|
29.11.13 07:49
elea
|
Re: Bräute 2013
ah danke sonne!
i ha ghofft das min gg das au so locker gseht wie dine, so ala "ech din körper, mach wasd wotsch!" ;)
ond ebe i denke au dasd manne zom teil eifach ned wössed wie da esch met dene stemmigsschwankige etc (chorz vor de täg beni e sone zickigi chue)
i hanem vor paar monet scho seit, dassi gern wörd absetzte ond das vorher aber met em Arzt werde aluege. ond de hetter eifach gseit jo luege mer was de Arzt seit und de wis sel witer go. ond ebe jetzte nachem Arzt Termin hetter gseit er muss do zersch bez nochedenke.. he i wet nor d pille absetzte und schniide mer ned es bei ab ebe und es het mi eifach gnervt, i be die letschte 12johr verantwortlich gsi förd verhüetig, ha jede tag di doof pille gno, aso gopf dörf doch au i entscheide wenn schloss esch demet....
i hane gfrogt wiso er no 2 johr wet warte (ober zerst wetti spare oder nonid bereit sig). sini antwort esch gsi, nei mach mer ke sorge, ha das eifach so denkt als ziitplan. ja das esch mol es Argument weisch wenner wörd sege "i füehl mi nonid bereit" de hetti absolut verständniss för da, aber so verstohni sini grönd eifach ned...
i denke i los momentan bez lo guet si ond spreches de spöter weder mol a.
wasi au bez s gfüehl ha esch, vor eusem gspröch escher met em koleg eis go zieh wo frösch es 2mt alts Baby het ond de blüeht i sinere vater rolle uf ond het ehm verzelt vo bonding und weiss de guger ned was. ond för ehn esch a dem obe auä bim kolege scho gnueg Baby Thema gsi. ond de hani auä bez de falsch Moment breicht bi ehm... wer weis :)
of all fäll het mer dini antwort, sonne, mega guet do em fall!!!!
|
|
|
|
29.11.13 08:46
dandi78
|
Re: Bräute 2013
hallo zäme
juhui, hüt esch scho fritig! eg be sooo froh. morn goni mitere kollegin uf stuttgart a wiehnachtsmäret bis am sunntig und am mäntig hani frei. juppi!
geschter hani endlich aui mini fotialbum bstellt. läck ben eg froh!
elea, e glaube, di ma meint das nid bös. männer mache sich haut eifach nid so vöu gedanke wie mir fraue und de säge si mängisch sache, wo eus verletze, obwohl si das gar nid so meine. eg findes eigentlich es guets zeiche wenn er seit, dass er mues drüber nochedänke. de macht er sich ömu gedanke über euchi zuekunft und das esch doch schön so. für männer eschs halt scho sehr eifach, wenn d'partnerin pille nimmt. de müesse si a nüt dänke und es esch alles paletti. e glaube, veli männer hei gar ke grossi ahnig wass es süsch no so für verhüetigsmethodene git. velich wott er sich jo mou schlau mache :-) und dass är gseit het dass er sich 2 johr als zitplan vorstellt, het glaubs au nid sooooooo vöu z'bedüte. velich möcht är im moment eifach no euchi partnerschaft gniesse als verhürotets paar und möcht noni grad sofort chind ha. be söttige ussage mues me bi männer mängisch chli vorsichtig si. das esch so mini erfahrig. das bedütet nid unbedingt, dass är sich do drüber scho gross gedanke gmacht het, sondern dass er im moment velich eifach no chli bedenkzit brucht. mir fraue mache eus jo immer scho mega lang im vorus gedanke und wenn mer de öppis säge, hets scho händ und füess. das esch bi männer nid unbedingt so.
e dänke do a die zit vo de hochzitsvorbereitige zrugg. eg ha mir ame scho stundelang der chopf drüber zerbroche wie öppis bestimmts söu usgseh und ha im internet scho gsurft wiene blödi. weni ihn de gfrogt ha wien er sich das vorstellt het er ame gseit: aha... bruchts das? über das hani no gar nie nochedänkt.
eg würd vorschloh dass chli zit losch lo verstriche und ihn de wieder mou druf asprichsch. bis de gsehts velich scho andersch us.
|
|
|
|
|
|
1 .. 1486 .. 2969 2970 2971 2972 2973 .. 3365 .. 3757
|
Anmelden
