klar cha me die hormon ned bekämpfe, aber ech be öberzügt dass mes äbe chli cha under kontrolle bringe, bzw. dass me d huut cha understütze und pflege mit pflanzliche sache. es gid jo au viel fraue mit beschwärde wäge menopause z.b., das isch jo au hormonell bedingt, und trotzdem gids pflanzlechi mittel wo hälfed... wenn dim ma die hefetablete ghulfe hend, de isch är doch s beschte biispiel dass es no öppis anders gid als roaccutan. vor allem würded jo denn vitamine, gsundi ernährig, viel trinke usw, au nüd hälfe, wenn me nüd chönnt mache wenns hormonell esch... wirklich loswärde wird mers sicher ned, aber ich dänke scho dass es sache gid wo hälfed.

ich bin scho au dävo überzügt das mers chan unter Kontrolle bringe mit gwüsse pflanzliche Sache aber schlussendlich sind Pickel ä ursach vo verstopfte Pore und zu dem chunnts eifach dur verschiedeni Ihflüss… Aber ich bin gspanne was die Drogistin seit. Ich kenn das mit de Hefetablette jetzt gar nöd, hani na nie ghört, tönt aber spannend.

elea, doch die wo würkli schweri Akne händ nehmet Roaccutan und das isch sehr es starchs Medi wo unter ärztlicher Kontrolle nume gno dörf werde mit regelmässige Laborkontrolle.

Ich finds eifach na interessant, mini Kollegin isch wege Pickel zum Arzt (Rugge) und zwar zum Dermatolog und au de hät ihre es Medi verschriebe und das hani recht speziell und schad gfunde. Das hät mir halt illusione scho ächli gno das es nüd git wo hilft wenn nöd mal en Spezialist wieter weiss

Naja, ich gib d'Hoffnig nöd uf und hoffe das es irgendwen wieder besser wird. Aber brichtisch den was usecho isch elea, nimmt mi wunder.

hallihallo zäme

Ha erste jetzt gseh dass weder chli öbis gloufe esch.
Hmm das Thema Pickel hani au...ech ha eifach be de Scholtere osse so Bibeli ond am Haus ond am Öbergang Gsecht/Haus...ech go au zo de Kostmetikerin, ha jetzt mou en anderi Reinigung agfange aber werklech öberzoge beni Emmer no ned. Sie hed mer au no so tüüri Propolis Kapsle atreit gha aber das nötzt nüt. Gsönder ässe das wär secher kei Seich. Seti werklich mou weder is Oug fasse. Höt hani nämlech Zmettag ond Znacht Ravioli gha!!! =O
Vorem HZ hani Minac Tablette gnoh gha ha eifach kei Pickel welle am HZ, aber äbe das send jo au weder Hormorn...Hefetablette hani aber au nonie ghört, aber vo Zinksalbi oder so hani scho ghört, aber no nie usprobiert.
Ech ha no so zwöi Sache deheime, s einte esch e Waschlotion onds andere e Saubi, aber beidi hend Bleichi denne darum tuenis soguet wie ine dra, es närvt mi wenn mini Chleider Fläcke hend.

Wönsche euch e schöne Obig...

LG Canoa

Wunderschöne guete Morge mitenand

Das stimmt sonne13 wegem Alkohol und ich Trink scho praktisch nie, ich weiß echt nöd, momentan gsehni wieder us wie en streuselchueche naja, mussi dure.

Elea, was hätt Drogistin gmeint??

Ich ha ja die wuche Ferie, bi dem traumhafte Wetter echt Hammer! Sitze grad ufem Sitzplatz, im liegestuehl, d'Vögeli zwitschert und de Fluss plätscheret vor sich hie, eifach herrlich. Nachher ziehnd min Maa und ich oisi neue Blades ah und düset ächli um de Flughafe so lahts sich's doch echt lebe. wieso chas nöd immer so sih!!!