so mini liebe, eg verabschiede mi jetz mou i mittag. wünsche euch aune e guete und hoffe, dass der öppis feins zässe überchömet.

s Elevit han ich erst vode FA übercho und zwar erst öpe im 2. Monet, muesses bis nach de Geburt neh, es isch en Ergänzig mit zuesätzliche Vitamine (also nöd nur Folsüri, sondern au Ise, Kalzium etc.)

Folsüri hani defür scho paar Mönet vor de plante Schwangerschaft gno, aber wie d elea seit, s isch sowieso guet für de Körper, also schade tuets ganz sicher nöd wenn mär das nimmt, fürd Schwangerschaft isches denn sehr wichtig.

Ja s elevit isch würkli recht tür und s chunt mär nur ide Apothek mit Rezept über, aber es wird vode Krankekasse übernoh...

ech ha au flissig Folsüri gno gha aber äbe seti weiss wasi ha bruchi das sowiso grad ned.
Ond weni de sowiso öberwacht werde werdeds mer de das scho verschriebe...

E guete allne zäme

ech hätt no folsüüri-tablette (us de drogerie) z verschänke ha wos klappet hed uf elevit umgstellt wills det no iise und so züg diine hed. vor allem am aafang, woni gar ned ha möge ässe hanis no guet gfunde mind. so es par vitamine z tanke! elevit chonnsch ohni rezäpt au öber, aber de zahlts d krankekasse natürli ned...

canoa, das chonnt secher guet!!! ech dröcke euch uf jede fall gaaaaaanz fescht düüme! es esch jetzt eifach en umwäg und ehr bruuched vöu gedoud und energie, aber ech glaube ganz fescht draa dass das nochhär klappt!

also: die nöchschte sind dandi und canoa, findi super!

be mer esch de chinderwonsch irgendwie au fascht schlagartig so rechtig akut worde, ha am aafang au ned verstande wieso so plötzlich, aber esch haut eifach so!

ech ha inzwösche gässe - röschti met sauce, esch gar ned so gruusig gsii ha aber au hunger gha wie e bär - und hunger isch jo e guete choch

@snet: wow, di ma weiss gar nüt dervo? wie hesch du das chönne gheim haute? das hätt eg nie chönne, eg verzöue das doch gärn :-) und mmmmmmmhhh de mezzeteller gseht de fein us. ha zwar ke ahnig was das alles esch aber es macht grad gluschtig.

@canoa: eg hoffe für dich dass bi dinere op alles guet chunt und du nachhär scho bald wirsch chöne schwanger wärde.

@folsäure: mi FA het gmeint, dass eg am afang ruhig die folsüri cha neh wos im migros git. die längi föllig us. sobald ech de schwanger sig, wärd er mir e anderi folsüri verschribe. finde das no praktisch, so chani die eifach chaufe weni der normali ichauf im migros mache.

@me: be eus hets schweinssteak mit pfeffersauce, spinat und röstikroketten zum zmittag geh. esch sehr fein gse aber leider nid sehr viel. ha jetz scho wieder es hungergfühl...