| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Bräute 2013
 1 .. 1577 .. 3152 3153 3154 3155 3156 .. 3457 .. 3757
07.05.14 08:06
Canoa 

Re: Bräute 2013

Guete Morge zäme

wönsche euch aune e schöne Tag trotz de graue Wolke am Hemu
07.05.14 08:39
elea 

Re: Bräute 2013

morge zeme

lucylu, hesch du momentan chopfweh? meinsche s liit am wetter?i ha set öpe 5täg nonstop sones doof chopfweh und i chamer ned erkläre wiso....

ha mol e frog a alli...
het mer öper en guete buech-tipp? be grad weder bez uf de suechi nach emne spannende buech (be offe för alles ossert Krimis :)
07.05.14 09:00
Canoa 

Re: Bräute 2013

Ech ha au sehr vöu Chopfweh das könni eigentlech gar ned so, aber ech nehme a dasses bi mer vo de Hormon chond! Morn gohni weder it TCM vellecht tueder de wägem Chopfweh au no grad luege! =)

Hmm Büecher, kei Ahnig ha set öbe eim Johr s erste Buech vo Shads of Grey agfange ond be emmer no ned fertig! Ha eifach kei Ziit bzw. lese emmer anders zwöschet ine!
07.05.14 09:02
Emma13 

Re: Bräute 2013

Guete morge zäme :)

Ich liebe ja eigentli de Summer, aber das Jahr hoffi für mich das er nöd so heiss wird ui chugelrund und 35° muessi also würkli nöd ha...

elea, ich han grad vor churzem ä wuuunderschöns Buech gläse, sehr emotional und au chli trurig, aber mega schön.. vo de Jojo Moyes "Me Before You" uf dütsch "Ein ganzes halbes Jahr"

07.05.14 09:06
dandi78 

Re: Bräute 2013

Guete Morge zäme

Eg ha hüt au Chopfweh. Dänke scho dass es am Wätter lit. Eg be au sit es paar Täg durend müed, obwohl dasi gnue und guet schlofe.

Ou Elea, wäge Büecher, e cha der d'Büecher vo der Ildiko von Kürthy wärmstens empfehle. Das si so typischi Frauebüecher wo alli Klischees bedient wärde, aber mega witzig gschribe si. Nid würklech spannend, aber total luschtig. E liechti Lektüre. Mondscheintarif esch s'Erschte woni vo ihre gläse ha. Be durend am lache gse währendem läse. Höhenrausch und Freizeichen si au ganz luschtig.
07.05.14 09:16
himbeer 

Re: Bräute 2013

ou ich lies mega viel. am liebste historischi romän, das sind meistens rechti schinke. ich lies bsunders gern büecher vo de diana gabaldon und de rebecca gablé. de diana gabaldon ihri highland-saga isch suuuperspannend, det hani all büecher gfresse ;-)

wasi au mega gern gläse ha vor kurzem isch "der hundertjährige, der aus dem fenster stieg und verschwand", das isch mega lustig und herzig und spannend.
07.05.14 09:24
LucyLu  		Re: Bräute 2013

elea:
morge zeme

lucylu, hesch du momentan chopfweh? meinsche s liit am wetter?i ha set öpe 5täg nonstop sones doof chopfweh und i chamer ned erkläre wiso....

ha mol e frog a alli...
het mer öper en guete buech-tipp? be grad weder bez uf de suechi nach emne spannende buech (be offe för alles ossert Krimis :)

Yepp, ich ha momentan, d.h. au sit es paar Täg Chopfweh und bi mir isch es oft wg. Wetterumschlag und zu allem übel hani au na mini Mens.

Ich liess au sehr gern und am liebste Krimi oder Thriller aber au anderst. A de Ostere hani grad die Triologie Rubinrot, Saphirblau und Smaragdgrün verschlunge. Denn das Buech wot Emma vorschlat, isch uuuh schön, lustig und trurig. Vo dem wot himbeer schriebt (der hundertjährige...) hani au nur positivs ghört aber nanig glese. ich ha mich jetzt wieder mal de 7 Büeche vo Harry Potter gwidmet, ha scho laaang mal wieder all wellä lese und ha mal mitem eis ahgfange, de isch aber ächli langwillig.

Denn Shades of Grey hani au all glese, findi na witzig aber halt nöd jede sin Gschmack.
07.05.14 09:26
Canoa 

Re: Bräute 2013

muess mer das grad ufschriebe, werde jo gnueg ziit ha zum läse weni 1 Mt deheime muess s Bett hüete! Höt i zwe Woche beni dra! Also am 1s escht OP...
07.05.14 09:27
LucyLu  		Re: Bräute 2013

Aaah dandi, müed bini au meeeega! Obwohl ich gnueg schlafe, mini Auge brennet mega und sind gschwulle

Ah ja, d'büecher vom Nicholas Sparks sind natürlich au all seeehr empfehlenswert

07.05.14 09:36
elea 

Re: Bräute 2013

yeah danke vell vell mol för euchi buech-tipps! so lieb vo euch! werde grad mol höt paar go aluege :)

shades of gray hani recht langwilig gfonde, hami rechtig müsse zwenge die fertig zlese
"der hundertjährige..." hani au nor positivs ghört!

canoa, wie lang wird dini OP öpe dure?
 1 .. 1577 .. 3152 3153 3154 3155 3156 .. 3457 .. 3757
vorallem   schnell   Problem   Zeremonie   himbeer   natürlich   Hochzit   richtig   eigentli   gspannt   schaffe   Kollegin   natürli   einfach   irgendwie   wirklich   eigentlich   bearbeitet   Zuletzt   langsam