huhu zäme!

wägem läse: ich liebes z läse! ha jo jetzt mis büro müesse ruume und all mini büecher ussortiert woni scho gläse ha. d romän hani alli minere tz verschänkt, ich hätt jetzt no e ganzi täsche mit krimis, falls das öppert gern liest - sind gratis z ha (evt. de versand wenni sie muess verschicke ). chönnt au e liste mache mit de titel, falls öppert ernsthaft interesse hed. spötestens abem summer göhnds id entsorgig. ha immer chli müeh mech vo büecher trenne, au wenni weiss dass ich sie nümme liese hätt au no es par büecher vo everest-bestiigige und 2 vom joe simpson (sturz ins leere), falls öppert gern so sache liest...

wünsche euch allne mit chopfweh gueti besserig! hoffe s wätter stabilisiert sich bald, dass me sich a öppis cha gwöhne, mich dunkts das uf und ab, chalt und warm setzt em körper eifach zue...

Heee Sonne, mir gahts imfall glich, ha au na paar Büeche die Heime woni eifach nöd mag entsorge. Wür also mini au Gratis abgäh (eifach de Versand wäri scho froh), chan au wenn ihr interesse händ oi die mal ufliste? Ich finds ebä au schad die eifach chüble. Jetzt hani das Problem nüm, ha es eBook sitem Summer.

Mi Ma hed am liste "Büecher" met wenig Site und hufe Böudli denn! =)

ou lucylu, mine maa hangt mer die ganz ziit i de ohre ich sell doch mol es ebook zuetue, denn falli das "büecherproblem" wäg was hesch für eis? bisch z friede? Ich ha ebe gern es buech i de hand... be do chli schwierig glaub.

Ich mach im fall gärn mol en lischte! viellicht chönd mer jo en chliine "tuusch-handel" mache, das wär jo cool! möglicherwiis chumm ich jo denn so abem summer wieder meh zum läse, wenni mi nümm cha bewege vor luuter masse

ich mach mol en lischte und die wo sie wend chönds jo denn mol aaluege, und wenn öppert interesse hed chann ich sie jo denn verschicke und de empfänger cha eim jo de s porto in es couvert stecke oder überwiese...