| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Bräute 2013
 1 .. 1601 .. 3199 3200 3201 3202 3203 .. 3480 .. 3757
16.05.14 08:25
Canoa 

Re: Bräute 2013

elea:

morn wird mi ma 30i und freue mi soo wahnsenig fest! weiss ned obis verzellt ha, aber ha e torte bstelt vo dere wod hochzitstorte gmacht het för eus metem gliche gschmackt! hoffentli freut er sech! :)



OHhh cool ond dänkt no es passends Sujet oder? =)
16.05.14 08:28
Canoa 

Re: Bräute 2013

Emma13:
Ah ja Canoa, isch Akupunktur guet? Hans mir au scho überleit in Hisicht ufd Geburt...

Ha emmer vo vöune ghört dasses guet esch ond emmer dänkt das machi nie, ha jo so angst vor Nodle bzw Sprötze...aber jetzt hani eifach dänkt ech probieres us!
Es esch zwar en Schwizer ned en rechtige Chines aber es höuft, ha au no sone Chrütermeschig öbercho woni drü mou am Tag muess näh! Ond seti die nehme muessi kei anderi Schmärzmedis meh näh, fends super! Wies denn noch de OP witergoht weissi no ned...aber eis nochem andere! =O
Also ech chas der sehr empfähle!
16.05.14 08:30
Emma13 

Re: Bräute 2013

Das tönt ja würkli sehr guet, freut mi dases bi dir so guet würkt, scho viel viel besser als ständigi Schmerzmittel müesse ineh!

Wird mich demfall au mal chli informiere, han ebe au nur guets gläse, wär sicher mal guet zum usprobiere, obwohl ich au nöd sonen Sprütze Fan bin, aber das gspürt mär ja glaubs nöd würkli, oder?
16.05.14 08:34
snet  		Re: Bräute 2013

Guten Morgen Miteinander!

TGIF!!!

@Canoa: Wann gehst du denn am Di in die Akupunktur? Ist ja ziemlich nahe bei meinem Büro... Wünsche dir einen "schönen" letzten Arbeitstag vor der Pause

@Dandi: Das ist wirklich eine tolle Idee mit dem Kuchen. Auf den 30. Geburtstag meines Mannes habe ich auch eine Torte machen lassen - aber natürlich mit purer Schokolade

@Ferien: Ich habe gerade gesehen, dass auf Gran Canaria keine Direktflüge gehen Irgendwie ist mir das ein wenig zu viel Aufwand mit 7h Flugweg (mit Zwischenhalt)

@me: Ich könnte gerade die Welt umarmen! Gestern Abend waren wir wieder beim Ultraschall und es sah alles tiptop aus, jetzt habe ich sogar ein hübsches Foto vom Gesicht im Profil Mittlerweile bin ich in der 11. Woche angekommen und hoffe, dass es jetzt noch so super weitergeht. Von der Grösse her war es um weitere 2 Tage zu gross, aber es wurde keine Terminanpassung gemacht.
16.05.14 08:37
Emma13 

Re: Bräute 2013

Snet, wie schön, das freut mich soooo riesig für eu!!!

Hoffe ganz ganz fest mit dir dass di nöchsti Wuche im Flug vergaht, demit endli di kritischi Phase ume isch und ihr dörfet ufschnufe, so schön das ihr sone herzigs Bildli übercho hend :) freu mi grad mega für dich! :)
16.05.14 08:37
dandi78 

Re: Bräute 2013

Guete Morge zäme

Canoa, schön dass dir Akupunktur so guet hilft. Ewig schmärze ha chas jo nid si, und ständig müesse Schmerzmittel neh erscht recht nid. Freut mi für de!

Emma, ha euchi Föteli vom Hochzit uf FB agluegt. Soooooo schön! Hach, e chome ame grad wieder is schwärme weni so schöni Föteli vomene Brutpaar gse... :-)

Elea, so guet wäge der Torte. Er wird sich bestimmt mega freue. Findes e super Idee!

Eg chome hüt äuä nid so gross zum schribe. Es het wieder chli azoge mit Arbet, was jo guet esch. Findes de aber ame schad, dasi do nümme so mitchome

16.05.14 08:40
Emma13 

Re: Bräute 2013

Danke dandi, isch lieb vo dir han au immer so Freud wenni Hochziitsföteli gsehne :)

Ou schad dass nöd so Ziit hesch zum schriebe, wünsch der en erfolgriche und kurze Arbetstag :)
16.05.14 08:42
elea 

Re: Bräute 2013

Canoa:
elea:

morn wird mi ma 30i und freue mi soo wahnsenig fest! weiss ned obis verzellt ha, aber ha e torte bstelt vo dere wod hochzitstorte gmacht het för eus metem gliche gschmackt! hoffentli freut er sech! :)



OHhh cool ond dänkt no es passends Sujet oder? =)


yes :D
er esch jo vermesser und em Internet hani es cools beld gfonde vomene super helde vermesser! sesch so wetzig! i denke er werds liebe :)
16.05.14 08:45
snet  		Re: Bräute 2013

@Akupunktur: Seit letztem Juli gehe ich 2x pro Woche in die Akupunktur. Vorher habe ich immer unter Krankheiten gelitten und war chronisch krank. Auch hatte ich eine chronische Blasenentzündung, die sich sofort bei Temperatursturz meldete.

Seit ich in der Akupunktur bin (also seit Juli), war ich nie wieder krank oder hatte sonst irgendwas. Ahja und im 2012 habe ich eine schlimme Augenentzündung erlitten, die 1 Monat brauchte, bis sie auskuriert war. Im 2013 war das andere Auge betroffen und es dauerte 3 Tage zur Genesung

16.05.14 08:51
Canoa 

Re: Bräute 2013

Emma13:
Das tönt ja würkli sehr guet, freut mi dases bi dir so guet würkt, scho viel viel besser als ständigi Schmerzmittel müesse ineh!

Wird mich demfall au mal chli informiere, han ebe au nur guets gläse, wär sicher mal guet zum usprobiere, obwohl ich au nöd sonen Sprütze Fan bin, aber das gspürt mär ja glaubs nöd würkli, oder?

Also mer muess ned meine es tüegi ned weh, es esch halt eifach onderschedlech, a de Füess esch mer halt au meh empflichlech. Aber das esch nome chorz wos pickts ond mer gsehts jo ned wie sie stäched. Mine Therapeut machts emmer met i ond usschnufe also bem usschnufe tueders ine stäche ond das länkt guet ab! =)
 1 .. 1601 .. 3199 3200 3201 3202 3203 .. 3480 .. 3757
gspannt   Problem   richtig   schaffe   himbeer   Kollegin   bearbeitet   eigentlich   vorallem   Hochzit   wirklich   einfach   Zeremonie   natürli   Zuletzt   natürlich   schnell   eigentli   irgendwie   langsam