@Emma: Beim Beldona kaufst du das Oberteil wie deinen BH; die BH-Grössen sind angegeben. Und so ein Bikini hat mir jetzt 3 Jahre gehalten Ist halt eher ein wenig teurer, aber dafür hast du danach auch keine Probleme damit.

Snet, eg go hüt zobe äuä wieder go trainiere. Spöter göi mer vermuetlich öppis go ässe, mi Ma und eg.

Ohhh Canoa, so schön! Vo wem hesch de dä Bluemestruss übercho?

Bikini: im H&M chame Bikini au separat chaufe. Finde das au super, esch jo bi der Unterwösch schliesslich au so. Eg ha zwar nid sone grossi Oberwiti aber mängisch esch mer s'38gi obe eifach au zchli. De gseht ame us aus hätti e mega Push-Up a und das gfaut mer nid. Wenn do einisch chli springsch hüpfe die Dinger jo grad use...

Wie dir velicht gmerkt heit, hani doch Zit zum schribe. Hi hi

De Bluemestruss esch vo minere liebste ehmalige Arbetskollegin!
Ha auso grad Träne i de Auge gha! E Bluemestruss inkl. Socke, well mer cha jo ned i Spital met Löcher i de Socke!

Jöö das isch ja mega herzig Canoa, und d Idee mite Socke erst recht sone liebi Kollegin!

mmh snet, mir hend au mega lang überleit... isch würkli nöd so eifach wenn mär nur chli Relax möchti, Griecheland hender agluegt? oder Toscana, wie mir? :)

Jö Canoa, das esch de lieb vo dinere Kollegin. So schön dass si a di dänkt het.

Snet, das esch es Luxusproblem wo du hesch In Europa gits so vöu schöni Ort wo dir chöntet häne go. Göit doch mou ines Reisebüro und löit euch lo berote. Cha jo nid schade. Oder du nimmsch eifach mou es paar Prospekt mit hei. Velich lacht di jo öppis a.