Bi mir esch no komisch, wott jo wieder chli gsünder ässe und Sport mache. Die Wuche hani leider bis uf s'Pilates geschter no ke Sport gmacht und au bim Ässe hani jetz nid bsonders druf gluegt. Trotzdem beni 1,5 kg liechter als no am Mäntig. Hä? Aber mir sölls rächt si

Guete Morge mitenand

Bin au wieder mal daaa…


Juhuuuu ich ha ab jetzt ei Wuche Ferie, so toll! Am Sunntig flügemer uf Ibiza bis am Frietig, freui mi sehr!

Hüt mussi dringet ächli Huushalte, putze, wäsche, ufrume und am Namittag gangi zu mim Zuekünftige Gottichind und wird erfahre was es wird

EMMA: ALLES GUETI ZU OIEM 1. HOCHZIITSTAG!!!!!

Oh schön LucyLu, wünsche euch dämfau ganz tolli Ferie in Ibiza. E kenne das, mues au immer vor de Ferie deheime no ufrume und putze. Süsch goni miteme schlächte Gfühl id Ferie. Das esch glaubs sones Fraueding

hihi… isch ebä so Dandi, das mir immer die eis, zwei Wuche vor de Ferie nüm richtig Huushaltet und denn gsehts das halt entsprechend us (also nöd so schlimm aber ihr wüsset sicher was ich meine). Und ich hass es wenn ich hei chume vo de Ferie und d'Wöschzeine voll isch, chani gar nöd ha Aber ha ja hüt und Mord guet Ziit (s'Wetter isch ja grad wieder seeehr schlecht).

Emma, mis Gottechind chunnt mitti Oktober. Und Gotti und Götti sind die einzige wo erfahret obs es Maitli oder en Bueb git Ich tipp uf es Meitli, aber bald weiss ichs ja und denn chani mir ebä besser Gedanke mache über s'GSchänkli. Möchte ja gern selber öpis mache. Am liebste Nähie. Mach im Juni en Näh-Kurs… Ha denk so ä Patchwork Decki (Krabeldecki) oder es Mobile. Mal gucke.

Gaht mir genauso LucyLu, muess vor de Ferie unbedingt alles z'recht mache dihei, chan das nöd ha wenn nach de Ferie denn no di ganzi Arbet astaht, wäsche muess mär ja denn eineweg, also lieber nur no d Feriechleider

Oh so herzig, dass Gotti/Götti di einzige sind wo's erfahret, das isch aber en Ehr! :) Bi euses weisses no niemert und ich hoffe mir chönd euses Überraschigs-Eili bis am Schluss für eus bhalte. Findi mega schön dass dim Gottichind öpis möchtisch selber mache, das isch ja e mega schöni Erinnerig...

Find so Patchworkdeckene au wunderschön, mir hend grad vor churzem ganz ä lässigi kauft, die sind eifach super guet isetzbar und d Chind liebets ide Regel :)

Ja, das chani verstah.. darum hends mir für eus bhaltet, isch halt glich mal schnell usegrutscht und ich find en Überraschig eifach schöner, aber vieli hend eus druf agsproche dases eifacher seg für Gschänkli usw. das verstahni au, aber schliessli chaufet mir jetz au s meiste neutral i, mite Idee dass mär das denn au für ä zweits Chind (falls es anders Gschlecht isch) wieder chöntet nutze...

hützutags wett mär au immer alles vorher wüsse, muess doch gar nöd si :)