guete morge mitnenand!
oh ja ich hett hüt so gern namal frei... es isch sehr es schöns weekend gsi und mir händ au tolli sache gmacht. jetz muessi nur no die und nächst wuche durebisse und mir händ ferie... freu mi sooo fest druf!

tönt au mega herzig bi eu sonne

Guete Morge zäme

Hach esch das es tolls längs Weekend gse. Mir heis total gnosse, hei bädelet, grilliert und geschter si mer go wandere. Eifach herrlich!

Jöö Sonne, so schön. Jetz heit der alli Gottis und Göttis parat. :-)

Himbeer, jetz gohts jo zum Glück nümme lang bis zu euchne Ferie. :-)

Eg chome leider nümme so gross zum schribe. Due aber immer am Obe alles brav nocheläse damit eg schön up to date blibe. ;-)

Wünsche euch aune e tolle Wochestart und stay cool

Morge Mädels..

hoffe ehr hend schöni pfingste gha..

himbeer bald bald hesch ferie sooo schöön...

sonne jööö so schön weg de gottis und göttis :)


uii neii elea hoffe hesch nüt!! :-/

wend ehr denn s gschlecht wösse oder lönd ehr euch lo öberrasche sonne? mi maa macht sech scho öber alles gedanke, aber i be no recht vorsechtig und wet vor de 12te Woche nonid zvell plane ergendwie... esch der das au so gange?


fsme esch e Virus wo vo zecke öbertreit werd. i ha 4täg nach emne zecke-bess plötzli fieber und starch chopfweh öbercho usem nüt. die vo medgate hend de gseit welli schwanger be selli i notfall. ond det hends gseit es cha de Virus si (füehrt zo hernhutenzöndige). de hani gfrogt was esch wege de Schwangerschaft, falls ich de Virus wörki han? de seit de Arzt zomer "wenn si de Virus wörkli hend, denn hend si andere Problem as d gsondheit vom chend." de hets mer total abglösche ergendwie... de arzt het gar nüt dezue bitreit dassi mer ke sorge mache :) jo ond jez warti halt ofe bscheid vom Labor. sesch sone seich... :/

Zuletzt bearbeitet am 10.06.14 09:41

jo genau gege fsme chame sech impfe. ke ahnig wiso ich huehn die impfig ned han
jo me cha eifach symptombekömpfig mache. es cha aber au si dassi de Virus han, und mis imunsystem das metem fiebr jez het chöne belämpfe und es chunt niehmeh. de weri nemli au grad wie gimpft. weni jez die nöchste täg aber weder chrank werde esch ned guet.

secher eschs der au so gange? ha scho denkt, i müsst doch super happy si di ganz zit, aber ergendwie chani mi nonid so loh gheihe und wet au gaar nonid zvell plane welli sgfüehl ha met dem moli nor de tüfel ad wand :)
keis vo beidne hets wele zeige? das send aber 2 schüchi hey

jö elea, ech ha mängisch au dänkt ech seig ned ganz bache - do hättsch doch alle grund zum freue aber irgendwie esch das eifach ned bedingigslos gange - tönt chli wie be der!

guet, das mitem impfe isch halt immer so e sach, obs richtig oder falsch isch usw. ich has nur gmacht will ich imene erhöhte risikogebiet wohne und ich viel verusse und im wald underwägs gsii bi zum jogge, bike, wandere usw...

hihi, zwei schüüchi, do beni jo gspannt es isch halt alle scho schwierig dass sie das zeiged wo de arzt wott gseh (zum usmässe usw), do verwändet är natürli au ned ewig viel ziit zum no extra goh gugge vor allem muess er jo immer alles dopplet mache - und mängisch chumm ech sälber nümme druus weles jetzt ufem bildschirm isch vo dene beide... viellicht ischs be nur eim au eifacher z entdecke!

snet, ziehen in der leiste hatte ich auch, aber sehr am anfang. sonst hatte ich häufig einfach im bauch ein ziehen, so wie krämpfe, aber ich dachte das sind die mutterbänder...