äs isch witzig, jedä machts ächli anderst. :-)

ich bin mer no nöd sicher öb mer än tätschmeister bruchet. ich meinä mir händ zwei super trauzügä, ich mini fründin woni sozägä ufgwachsä bin wiä ä schwöster und min schatz hät sin bestä kolleg. äs sind beides uu unternehmigslustigi lüt und händ mega power. han mer dänkt diä chönd unterschribä und für d abigunterhaltig und gest zäständig sie. oder meinet ihr diä sind dän überfordärät?
ich wüsst jetzt gar nöd wäri als tätschmeister würd näh.

dä grund warum ich brutjungfärä no cool findä isch eifach zum id chilä laufä und ebä wäg därä lustigä bedütig dass sie dä bös geist ablänked. :-) bi mir wäred diä zwei mädels woni is aug gfasst han (muäs äs no frögä öbs wänd) zwei siinglefrauä. das wär doch no cool irgendwiä. weiss ebä au nöd öb dän min schatz au no zwei manä muäs ha wo best men sind.

oooOOOOO 15. Juni 2013 because it's true love OOOOOooo

Mir händ de Tätschmeister au nur, will de Trauzüge nöd so für so en Job gmacht isch. Suscht hätted mir das au so gmacht.
Ich denkes nöd dass eui Trauzüge mit dem wreded überforderet sie. Und so wie ich die Brütli da im Forum bis jetzt kenneglernt han, organisiered sowieso eigentli alli praktisch ihres ganze Hochziit. Und für d'Abigunterhaltig werded dini Trauzüge sicher gnueg Energie ha

Ein Paar seit 16.10.02, verlobt am 14.02.12 und geheiratet wird am 24.08.13

@Mona: Miar hen an Tätschmeister für d'Lüt. Do miar jo zerst Fötali machen zemma mit da TZ und miar worhschindlich noch allna Lüt werden im Schloss si denki isches für TZ au achli a Stress wenn sie zerst Fötelen kuum simmer im Schloss müan si uma hetza und alli Lüt "versorga" und dr Tätschmeister (min Brüatsch) wird denn ins Schloss goh während miar Fötelen, alli Lüt in Empfang neh und afang in Kapella füahra und wenn miar chömen hen miar kei Stress.


****Ziviltrauung 26.7.2013 & Zeremonie in der Woche darauf auf hoher See ****

nicht registriert

auso bi mir werde bridesmaids mit mir chos chleid uswähle, der polterabend / -weekend organisiere und ou süsch bim fescht d organisation überneh und biiträge entgegeneh wo evtl. gescht wei mache....

usserdem mit mir zum coiffure cho und sich ou la frisiere und id chile loufe;O)

@ trauzeugen etc.
mir hei jede e trauzüge, denn e tätschmeister und no mini schwost als brutjungfer, obwohl si immer no geng fasch verreckt vor lache ab dem titel..
d bridemaid isch so entstande, das i mi nid so ha chönne entscheide zwüsche mire fründin und mire schwost..
denn dr tätschmeister hei mir eigentlich, wöu üsi trouzüge (wo üsi beste fründe si) o no chly öppis söue vom fest ha..

@ snet, i gloub ir seebadi, het so blau-wissi härzigi vorhäng a de kabine.. isch us holz wie ne "insle" im see und ir mitti cha me is wasser zum useschwümme..

aber du geisch ja scho gli wieder id ferie, oder tüschi mi da??

- 22.06.2013 -

mini trauzügä händ au absolut kei ahnig. sind beidi no a keinärä hochziit gsi sälber. aber mini trauzügin isch sich mega am informiärä, fast meh als ich. und dä trauzüg isch eifach dä besti partymacher und organisator wos git. :-) vor däm här brucht är au nöd würkli d erfahrig.

heti än brüädär würdi dä sicher für das frögä aber hani nöd. und mini schwö wohnt z neuseeland. sie chunt dän erst churz vorem hochziit. au sust vo dä kollegä hämmer niämärt wo erfahrig hät, mir sind sozägä di erstä. :-)

ei kollegin hät zwar ghüratä und ich bin au a ihrem hochziit gsi, aber mir sind total anderst. sie hät eher ä burähochziit gha und alles isch vo dä eltärä zahlt wordä. dj isch än kolleg gsi, fotograf händs eifach än kolleg agstellt wo chli ä besseri kamera hät. und sie isch au nöd diä powerfrau und kännt au mini lütlis nöd so würkli guät.

drum dänki bringts nöd viel wäni än tätschmeister han ussert min schatz wet das unbedingt. aber ich wüsst au nöd wär er jetzt für das würd welä.

oooOOOOO 15. Juni 2013 because it's true love OOOOOooo