ui super, de termin wo ich druf warte isch de 10. september! und am 13. isch ja euse hochzitstag, haha

ou chasch mer velecht mol no sege wie das buech heisst bi glegeheit? wer u lieb :)
wie füehlt sech das a Emma?

i glaube ebe bes is ned met eigne auge gseh ha, blibts total sureal!
i ha Emmer no bez s gfüehl mini fa seit den zomer "wie chöme si druf das si schwanger send? si send eifach deck soshct nüt"

ou jösses Gott stellt der vor himbi! gleb i wörd eifach i de wohnig stoh ond denke "so, ond was muessi jetzt mache?"

haha das isch glaub normal. mir hät chürzlich e bekannti verzellt, sie heged beid au mega respekt gha wenn ihne anderi lüt ihri babys id finger druckt händ. nöd gwüsst wie hebe und so wiiter. und bim eigne segs vo afang ah eifach klar gsi wie mers muess hebe und so wiiter... eifach sone grundsicherheit wo vo afang ah da gsi isch. das hani scho no spannend gfunde.

Isch mir au so gange elea... finds au blöd dass mär erst so spat idi erst Kontrolle chan... aber ja, vorher gseht mär no nüd. Wo ich erfahre han dasi schwanger bin, hani grad am FA aglüte und han gmeint dasi am nöchste Tag verbi chan ahaha wo's denn gheisse het i 4 Wuche bini mega gschockt gsi

Also am afang han ich nur es liechts chützele gspürt, wo denn s erste richtige Trittli cho isch, bini scho chli verschrocke es tuet überhaupt nöd weh, aber s erst mal isch scho chli komisch... nacher wetsch nur no verginget werde, so schön isches und jetzt chani mim Buch zueluege wies hin und her zapplet, richtigi welleförmigi Bewegige, echt luschtig :)

Ja sicher elea, lueg hüt Abig dihei nah wie's Buech heisst, isch au super für min Ma, er interessiert sich nämli au mega und liest immer wieder nah...

aso i wer am liebste au grad am ei tag nachem test gange :) aber i ha shco vo parne ghört dass me es bezeli muss warte drom beni druf igstellt gsi :)

so wie dus beschribsch tönts fantastisch neulech hani uf YouTube es Video gseh vo einere em 9te monet wo si ehre buch gfilmet het wenns Baby genget. läck bobi esch das abgnage. has mim ma zeigt und de het nome leer gschlöckt und gmeint das gseht su wie bim film "Aliens" muss zuegeh han aber au ned gwösst dass me das vo osse so guet gseht!! ganz verrockt :)