valey, de erst bluettest esch negativ gsi. aber si mache nomol e 2te zor kontrolle. mer esch e reese szei vom herze gheit. d frogt esch jez bez vo wo das plötzliche lange fieber cho esch. aber mer esch das glich ;P

snet,aso mer hend au nüt vode hürotsstrof gmerkt. all hend vorher gmeint si müsse met blöde spröch cho, woni de gseit ha dass mer ned meh stüre zahlet sends baff gsi :)
wönsch der of all fäll gueti besserig und dass si der öpis chöne ge wos der schnell weder guet goht!

eusi erst rechnig isch au nöd höcher als die einzelne vorher. aber das isch ja erst d ischätzig. mal luege... ich denk mir chömed mitem gemeinsame ikomme scho nochli id progression. mal luege :-)

hui, mir zahled also ordentlich meh stüüre als verhüroteti! gmeindsstür sinds sicher öppe 3000 stutz, und bundesstür sinds öppe 2500 meh als vorhär... guet, das wird sich mit de chinder jo denn wieder ändere, wenn mir nümme DINK's sind... und mer hends jo gwüsst, es isch eus jo gnueg hüüfig under d nase griebe worde wie doof dass mir sind

snet, gute besserung!

himpi, cool wäge de iiladig für d hochziit! würd mi au gluschte wieder mol an e hochziit z goh!!!! ich freu mi scho soooooooo uf euses weekend e "eusem" hotel, hoffentli heds grad e hochziit det

ha no welle säge: allne do inne wo am "üebe" sind und sich es bebe wünsched - ich drück euch gaaanz frescht düüme dass be euch dä wunsch ganz bald in erfüllig goht! ich cha mer sehr guet vorstelle dass es ned eifach esch geduldig z bliibe und s mängisch au weh tued wenn rundume all schwanger wärded und das immer so es grosses thema isch... ich mögts euch wirklich vo ganzem härze gönne und wünsch euch nur s allerbeschte!

dandi, übrigens: ich ha e bekannti, die hend au meh als es johr probiert schwanger z wärde und es hed ned klappt. schlussändli isch denn usecho, dass sie en schilddrüese-fählfunktion hed und's wäge dem ned klappet hed. ech wott demit natürli ned säge dass met der öppis ned stimmt wills no ned klappt hed, me seit jo, bis zumene johr isch ganz normal. ich ha der nur welle säge: bevor geduld verlüürsch oder s di zfescht stresst, red doch mol mit dim arzt drüber! grad be eus "scho chli ältere" fraue chunnt denn halt irgendwenn scho de gedanke, ziit laufi eim devo... und schliessli gids zwei chinderzimmer z fülle

dandi, hesch velecht die nöchste zit grad e Termin bide fa? au wenn me jez cha sege das esch öbereilt oder so, aber gleb wenn di dini coiffeuse druf hiwiist, denn wördi mol luege wo das chasch lo teste...